O prazo para solicitar unha das 2.650 bolsas convocadas pola Consellería de Educación para que outros tantos alumnos de 6º de primaria, secundaria e bacharelato realicen actividades de aprendizaxe de idiomas este verán continúa aberto e rematará o 9 de febreiro. Deste total de axudas, 2.350 serán para que alumnos de 2º, 3º e 4º de ESO e 1º e 2º de bacharelato estuden idiomas no estranxeiro. As restantes 300 prazas están destinadas a estudantes de 6º de primaria e de 1º de ESO para que melloren as súas competencias en linguas estranxeiras mediante estadías en campamentos ou residencias na Comunidade galega e en distintos puntos de España. A Administración educativa inviste na convocatoria deste ano un total de 4.410.147 euros.
Fonte: Xunta de Galicia
