As estatísticas do Ministerio de Educación demostran que Galicia se foi incorporando con éxito aos idiomas no ensino. Máis do 60 % dos estudantes de secundaria cursa en Galicia unha segunda lingua estranxeira, segundo os datos do curso 2007-2008 do Ministerio de Educación. É a segunda comunidade cunha maior porcentaxe de alumnos estudando dous idiomas, tras Canarias.

Fonte: La Voz de Galicia

Os deputados adoptaron unha lei que obriga o goberno a fixar un día nacional da cultura hakka e a promover o uso da lingua nas administracións locais onde a poboación estea composta por polo menos un terzo de membros desta comunidade lingüística.

Fonte: Taiwan Info

Daniella Police-Michel, unha profesora de francés da Universidade de Mauricio, afirma que a nación plurilingüe e multicultural quere seguir o modelo canadense de bilingüismo.

Fonte: Calgary Herald

O Partido Popular defenderá no próximo período de sesións unha proposición non de Lei no Parlamento andaluz na que insta a Junta a autorizar as ensinanzas de español como "lingua estranxeira" nas escolas oficiais de idiomas da provincia de Almería situadas "nos municipios con maior número de residentes estranxeiros".

Fonte: Europa Press