Murcia
Apróbase un proxecto de intervención de intérpretes de lingua de signos na Universidade de Murcia
O executivo rexional autorizou un convenio entre a Consellería de Política Social, Muller e Inmigración, a Universidade de Murcia e a Caixa de Aforros do Mediterráneo para o desenvolvemento do proxecto de intervención de intérpretes de lingua de signos nas aulas universitarias para o alumnado con discapacidade auditiva.
Fonte: 20 minutos
A Comunidade de Murcia edita un dicionario sobre lingua franca mariñeira con máis de 9500 acepcións
O “Dicionario de lingua franca mariñeira do Mediterráneo”, do capitán de navío Pedro Fondevila, supón a obra máis completa editada ata a actualidade nesta materia ao recoller máis de 7800 voces e arredor de 9500 acepcións de palabras, das que 3000 non están incluídas no actual Dicionario da Lingua da Real Academia Española.
Fonte: 20 minutos
Cen escolares xordos da Rexión de Murcia non terán este curso intérpretes de lingua de signos
Os case cen nenos e adolescentes con discapacidade auditiva que viven na Rexión de Murcia cumpren estes días un mes de clases sen o apoio dos intérpretes de lingua de signos porque a Consellería de Educación non pagou as subvencións para contratalos.
Fonte: La Verdad
A Comunidade de Murcia inviste 895 000 euros en mellorar a aprendizaxe de linguas estranxeiras
O Consello de Goberno deu o visto e prace a un convenio entre a Consellería de Educación, Formación e Emprego e o Ministerio de Educación para a mellora da aprendizaxe de linguas estranxeiras. O acordo, que supón un investimento de 895 142 euros, permitirá mellorar o ensino doutro idioma e reforzar as competencias lingüísticas de alumnos e profesores da rexión.
Fonte: Europa Press
O Valedor do Pobo da Rexión de Murcia pídelle a esta comunidade autónoma que elimine o uso sexista da lingua
O Valedor do Pobo da Rexión de Murcia solicitou á Consellería de Presidencia e Administracións Públicas que vele pola eliminación do uso sexista da lingua, atendendo así á queixa dun cidadán.
Fonte: ABC
Apróbase un convenio para mellorar o coñecemento de inglés dos alumnos de Murcia
O Goberno rexional de Murcia deu luz verde a un convenio entre o Ministerio de Educación, Cultura e Deporte e a Consellería de Educación, Formación e Emprego para o desenvolvemento do programa de cooperación territorial ‘Inmersión Lingüística’, cuxo obxectivo é mellorar a fluidez dos alumnos da rexión no uso da lingua inglesa.
Fonte: La Información
O ensino bilingüe chega o próximo curso a 122 colexios e 11 000 alumnos da Rexión de Murcia
A rede de colexios bilingües esténdese polo mapa da Rexión de Murcia. O próximo curso serán 122 os centros públicos e concertados que dean os bos días en inglés aos seus novos alumnos de Primaria. A Consellería de Educación seleccionou a trinta colexios, oito deles concertados, para que se sumen ao programa o próximo setembro.
Fonte: La Verdad
Os colexios da Rexión de Murcia poderán ofertar o alemán como segunda lingua estranxeira
O Executivo rexional aprobou un decreto polo que se modifica parcialmente o currículo de Educación Primaria co obxectivo de ampliar a oferta dunha segunda lingua estranxeira nos centros educativos da rexión, que poderán ofertar o alemán.
Fonte: 20minutos
A Federación de Xordos de Murcia pide que se inclúa a lingua de signos no Estatuto de Autonomía da Comunidade
O presidente da Federación de Xordos da Rexión de Murcia, Francisco Pérez, reivindicou que se inclúa a lei 27/2007 sobre o uso da lingua de signos no Estatuto de Autonomía para garantir o acceso á información das persoas xordas e xordo-cegas nas administracións e nos medios de comunicación.
Fonte: ABC
Murcia celebra o English Arena Festival, o primeiro festival de artes escénicas en lingua inglesa
A produtora teatral Arena crea o English arena Festival (EaF), o primeiro festival de artes escénicas en lingua inglesa que nace coa vocación de ser un encontro anual onde teñan cabida todo tipo de xéneros escénicos, interpretados en inglés.
Fonte: La Verdad
Boletín
Subscríbase ao boletín
