O Primeiro Dicionario de Medicina Ilustrado, creado pola Universidade Pompeu Fabra, conta agora cunha versión galega grazas á colaboración do Servizo de Normalización Lingüística da Universidade de Santiago e do alumnado do CEIP López Ferreiro de Santiago, que gravou as definicións. O proxecto Diximed, dispoñible en formato virtual, facilita a comprensión de conceptos médicos para nenas e nenos, a través da combinación de linguaxe accesible, debuxos e gravacións. Inclúe 363 palabras e un atlas sobre o corpo humano que o converten nunha ferramenta educativa única en galego.
Sección:
