Melilla
Melilla contará cun museo dedicado á oralidade e ao patrimonio inmaterial
A cidade de Melilla inicia a primeira fase dun proxecto para crear un museo dedicado á oralidade e ao patrimonio inmaterial das súas diversas comunidades. A proposta inclúe a recollida de testemuños orais e estará dirixida por un catedrático de Lingüística da Universidade Complutense. O museo, de carácter inmersivo, instalarase nun antigo edificio da praza do Rastro e aspira a converterse nun referente cultural e motor de desenvolvemento.
Fonte: Melilla Hoy
Melilla acolle unha xornada dedicada á lingua tamazight
Dentro das actividades para conmemorar o ano novo tamazight, celébrase en Melilla o 17 de xaneiro a xornada «El Amazige en Melilla: una lengua de Europa» na que participarán especialistas de diferentes países europeos.
Fonte: Cope
A UNED inclúe o tamazight no seu programa de estudos universitarios
A Cidade Autónoma de Melilla, a través da Consellería de Presidencia e Participación Cidadá, e a UNED alcanzaron un acordo polo que o tamazight será incluído no programa de estudos universitarios desta entidade, o que permitirá que esta lingua milenaria de orixe bérber obteña un importante recoñecemento académico.
Fonte: Melilla Hoy
Melilla retoma os informativos en lingua bérber en televisión
Melilla retomou os seus informativos en tamazight, lingua milenaria de orixe bérber que falan os musulmáns melilleses, na televisión pública da cidade autónoma.
Fonte: Antena 3
Pídenlle ao Executivo de Melilla que adopte medidas para que o tamazight sexa lingua vehicular
O presidente de Coalición por Melilla pediulle ao Goberno da Cidade Autónoma que adopte as medidas oportunas para protexer e potenciar a lingua tamazight despois da recomendación feita pola Unión Europea para convertela en lingua vehicular en Melilla.
Fonte: Diario Sur
Coalición por Melilla avoga porque a lingua tamazight sexa unha optativa para ESO
A deputada do Grupo Coalición por Melilla (CPM), Dunia Al-Mansouri, informou recentemente de que a súa formación, a través de Izquierda Unida no Congreso, instou hai varios meses o Goberno de España para que o estudo da lingua tamazight sexa unha materia optativa para os alumnos de Ensino Secundario Obrigatorio (ESO).
Fonte: Melilla Hoy
Coalición por Melilla espera que o Instituto de Lingua Tamazight estea en 2010
Os dirixentes de Coalición por Melilla (CPM) están dispostos a que en 2010 estea creado o Instituto da Lingua e Cultura Amazigh. Así o afirmou recentemente o presidente deste partido, Mustafa Aberchán, quen explicou que o obxectivo principal desta institución sería dar a coñecer a lingua tamazight entre o funcionariado da cidade.
Fonte: Melilla Hoy
Coalición por Melilla propón medidas de fomento do tamazigh nos colexios para combater o fracaso escolar na cidade
Coalición por Melilla proporá ao Ministerio de Educación, á súa Dirección Provincial e á Delegación do Goberno unha serie de medidas para combater o fracaso escolar, sobre todo nos alumnos de orixe bérber.
Fonte: Diario Sur
O presidente de Coalición por Melilla insiste en que o tamazight puntúe nas oposicións
O presidente de Coalición por Melilla (CPM), Mustafa Aberchán, mediante o Grupo Izquierda Unida (IU) no Congreso dos Deputados, vai presentar unha nova proposición non de lei para solicitarlles ao Goberno da Cidade e ao Executivo local que a lingua tamazight puntúe nas distintas oposicións que leven a cabo ambas as administracións.
Fonte: Melilla Hoy
Coalición por Melilla reclama a volta do informativo en lingua tamazight da televisión pública
En marzo, Televisión Melilla (TVM) recuperaba o informativo en lingua tamazight, que Coalición por Melilla (CpM) levaba bastante tempo esixindo. Porén, desde hai dous meses este espazo xa non se volveu emitir, algo que este partido considera un "atropelo".
Fonte: Melilla Hoy
Boletín
Subscríbase ao boletín
