O cantón de fala alemá de Argovia publicou un estudo elaborado pola Universidade de Zürich que revela que o ensino precoz da lingua inglesa non presenta as vantaxes que tantas persoas esperaban.
Fonte: Swissinfo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de marzo de 2017
10 de marzo de 2017
DiccionarioLab forma parte do Portal das Palabras, froito da colaboración entre a Real Academia Galega (RAG) e a Fundación Barrié, e ten entre os seus obxectivos modernizar as ferramentas lexicográficas, ofrecer recursos útiles e establecer comunicación directa coa xente.
Fonte: Código Cero
10 de marzo de 2017
A Oficina de Dereitos Lingüísticos, impulsada pola Generalitat, será un órgano de carácter institucional e ten como obxectivo atender as queixas e as suxestións que se formulen nesta materia.
Fonte: El Mundo
10 de marzo de 2017
Un novo estudo elaborado recentemente pola Oficina Estatística da Unión Europea (Eurostat) revelou que o francés se mantén aínda como a segunda lingua estranxeira máis estudada nos centros de ensino da Unión Europea, por diante do alemán e o español. O inglés continúa liderando esta lista.
Fonte: Le Figaro
10 de marzo de 2017
Os habitantes da provincia canadense de Yukón buscan estratexias para salvar as súas linguas nativas
O Consello das Primeiras Nacións de Yukón reuniuse co fin de buscar estratexias para revitalizar as linguas nativas que se falan nesta provincia do Canadá. Os últimos estudos mostran que o uso das linguas nativas sufriu un importante declive.
Fonte: CBC
10 de marzo de 2017
Once concellos que ata o momento se encontraban na zona non vascófona solicitaron unha modificación da lei para pasar a formar parte da zona mixta. Trátase de Abaigar, Aibar, Améscoa Baja, Ancín, Artazu, Cabredo, Cirauqui, Mendigorría, Murieta, Villatuerta e Zúñiga.
Fonte: Navarra.com
10 de marzo de 2017
Un dos volumes presentados leva por título Toponimia de Agolada e será o primeiro da colección "Terra Nomeada", un proxecto froito da colaboración entre a RAG e a Asociación Galega de Onomástica. O outro, Estudos de Onomástica Galega. Microtoponimia: experiencias de recolla, didáctica e codificación, recolle os relatorios das Xornadas de Onomástica Galega, celebradas o pasado 17 de setembro.
09 de marzo de 2017
A Secretaría Xeral de Política Lingüística publica no Diario Oficial de Galicia unha nova convocatoria de cursos de lingua galega para persoas adultas preparatorios para as probas Celga 2017. Aos cursos presenciais para os niveis Celga 2, 3 e 4, que viñan sendo habituais nas últimas convocatorias, súmanse desta volta dous cursos en liña preparatorios para o Celga 1 pensados para persoas que teñen un coñecemento elemental da lingua propia de Galicia.
09 de marzo de 2017
A sexta edición do programa de dinamización lingüística que impulsa a Xunta de Galicia, por medio da Secretaria Xeral de Política Lingüística, nos concellos da Rede de Dinamización Lingüística (RDL) inicia estes días a súa andaina polas catro provincias galegas coa nova actividade ‘A galiña azul’.
Fonte: O Portal da Lingua Galega
09 de marzo de 2017
Trátase dun programa a través do cal se organizará un obradoiro de ilustración e narración para aprender a crear libros ilustrados en éuscaro.
Fonte: Noticias de Navarra
Boletín
Subscríbase ao boletín
