O Municipio de Barrancos, situado na rexión portuguesa do Alentexo, quere que a fala local, o barranqueño, poida pertencer ao patrimonio lingüístico nacional.
Fonte: Sapo 24
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de xuño de 2017
02 de xuño de 2017
O secretario de Estado da Cultura de Portugal, Miguel Honrado, mostrouse partidario de aproveitar o potencial económico da lingua e cultura portuguesas e apostou polo desenvolvemento e internacionalización da música nacional.
Fonte: CM Jornal
02 de xuño de 2017
Por vez primeira, este 2017 haberá unha nova modalidade de subvencións para a tradución de libros ao catalán, ao incorporarse a posibilidade de obter unha axuda para a tradución de obras literarias.
Fonte: Generalitat de Catalunya
02 de xuño de 2017
O Goberno de Navarra destinará 250 000 euros a subvencionar programas e actividades de promoción do éuscaro por parte de asociacións sen ánimo de lucro.
Fonte: Gobierno de Navarra
02 de xuño de 2017
O Concello da Coruña comezou a retirar varias placas das súas rúas que contiñan denominacións deturpadas de varias localidades galegas para adaptalas á toponimia oficial.
Fonte: Praza Pública
02 de xuño de 2017
Os secretarios xerais de ambos os sindicatos subscribiron o Protocolo para a garantía dos dereitos lingüísticos co que se comprometen a traballar intensamente e de maneira conxunta na defensa destes dereitos e no fomento do uso do éuscaro no ámbito laboral.
Fonte: Deia
02 de xuño de 2017
Trátase da quinta edición deste certame que ten como obxectivo incentivar a galeguización da comunicación entre as empresas e o público e tamén fomentar a calidade e a creatividade nesa comunicación.
02 de xuño de 2017
Este novo decreto ten entre os seus retos principais trasladarlles ás administracións o seu obxectivo de fomentar o éuscaro no ámbito laboral. Polo tanto, con esta renovación as entidades susceptibles de recibir o certificado dividiranse en dous grupos: entidades privadas e institucións públicas.
Fonte: Deia
02 de xuño de 2017
Os gañadores da vixésimo terceira edición destes galardóns son Sandra Piñeiro Vilas, maxistrada no Xulgado do Social n.º 3 de Lugo; Xurxo Mariño Alfonso, biólogo, profesor do Departamento de Medicina da Universidade da Coruña e divulgador científico; e a Asociación Cultural Ponte... nas Ondas!, polos seus máis de 20 anos de traballo a prol do patrimonio inmaterial galego-portugués.
Fonte: Consello da Cultura Galega
01 de xuño de 2017
O deputado por Galway West no Parlamento de Irlanda, Seán Kyne, contará co apoio suficiente para aprobar unha nova lei que promova o desenvolvemento do gaélico en todo o país.
Fonte: Galway Bay Fm
Boletín
Subscríbase ao boletín
