O secretario xeral de Política Lingüística, Valentín García, acompañou o profesor e académico Xesús Alonso Montero na presentación do libro Sobre as palabras máis fermosas da lingua galega.
Fonte: O Portal da Lingua Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de xuño de 2017
07 de xuño de 2017
A presidenta da asociación que representa os pobos inuit da provincia canadense de Nunavut, Nunavut Tunngavik, declarou que o Goberno do Canadá debe destinar máis axudas á promoción das linguas deste pobo nativo.
Fonte: CBC
07 de xuño de 2017
Ao longo do ano 2017 cúmprense 70 anos que a Universidade de Toronto comezou a impartir portugués como materia de ensino por medio do Programa de Estudos Lusófonos.
Fonte: Mundo Português
07 de xuño de 2017
Un total de 60 proxectos editoriais benefícianse das axudas á tradución promovidas pola Secretaría Xeral de Cultura para apoiar o sector do libro, segundo a resolución publicada no Diario Oficial de Galicia.
Fonte: O Portal da Lingua Galega
07 de xuño de 2017
O Concello de Donostia publicou o documento denominado Uso de las lenguas co que busca avanzar na aceptación da pluralidade lingüística e na normalización do emprego do éuscaro.
Fonte: Ayuntamiento de Donostia
07 de xuño de 2017
A Secretaría Xeral de Política Lingüística vén de convocar, por medio de dúas ordes publicadas no Diario Oficial de Galicia, dez prazas de profesorado-lector de lingua, literatura e cultura galegas noutras tantas universidades integradas na Rede de Lectorados e Centros de Estudos Galegos da Xunta de Galicia.
Fonte: O Portal da Lingua Galega
06 de xuño de 2017
A decisión de declarar obrigatorio o ensino do bengalí no norte do estado indio de Bengala Occidental está provocando protestas por parte da poboación de fala nepalesa.
Fonte: Kathmandu Post
06 de xuño de 2017
Unha proposta de lei sobre educación podería fomentar a incipiente educación bilingüe nas escolas públicas dos Estados Unidos.
Fonte: Daily Mail
06 de xuño de 2017
A Escola Galega de Administración Pública convoca cursos de formación para o funcionariado, entre os que se atopan diferentes cursos de contido lingüístico: “Manual de estilo do DOG e outras publicacións institucionais”, “Desenvolvemento e fomento das habilidades comunicativas na Administración pública”, “Ferramentas e técnicas para falar mellor en público”, “Destrezas lingüísticas para a redacción de textos na web” e “Comunicación escrita e elaboración de informes”.
06 de xuño de 2017
Un total de 39 concellos e mais a Entidade Local Menor de Queimadelos resultaron beneficiarios da liña de axudas para dinamización lingüística convocadas pola Deputación de Pontevedra.
Fonte: Deputación de Pontevedra
Boletín
Subscríbase ao boletín
