Os máximos responsables de política lingüística do Goberno vasco e do Goberno de Navarra celebran unha reunión na sede do executivo foral, en Pamplona. Na rolda de prensa que ofrecerán posteriormente, Miren Azkarate, conselleira de Cultura do Goberno vasco, Carlos Pérez Nievas, conselleiro de Educación do Goberno de Navarra, Patxi Baztarrika, viceconselleiro de Política Lingüística do Goberno vasco e Xabier Azanza, director de Euskarabidea, Instituto Navarro del Vascuence, presentarán o acordo de colaboración en materia de política lingüística ao que chegaron ambos os gobernos.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de xaneiro de 2009
26 de xaneiro de 2009
A evolución da linguaxe humana débese á cultura e non á xenética, sinala un estudo realizado polo University College London (UCL), do Reino Unido. Aínda que haxa unha base xenética relacionada coa linguaxe, e que mesmo puido preceder á aparición deste, os cambios lingüísticos son demasiado repentinos para que puidesen quedar codificados nos nosos xenes.
Fonte: Tendencias21
26 de xaneiro de 2009
O presidente do Parlamento Europeo, o alemán Hans-Gert Pöttering, que pertence ao grupo do Partido Popular Europeo (PPE), defendeu que os eurodeputados de fala catalá non poidan expresarse na súa lingua nas sesións plenarias.
Fonte: Avui
26 de xaneiro de 2009
O Club Baloncesto Siero será o primeiro protagonista dunha campaña de promoción da lingua asturiana no deporte, que promove o Servizo de Normalización Lingüística do Concello de Siero, e que conta cunha subvención de 1.500 euros da Consellería de Cultura e Turismo.
Fonte: El Comercio Digital
26 de xaneiro de 2009
O síndic d'Aran, Francès Boya, presentou no Parlamento de Cataluña as emendas que o Conselh General d'Aran preparou para reclamar que a futura Lei de educación de Cataluña, que actualmente está en proceso de debate, recoñeza o aranés como lingua vehicular da escola.
Fonte: Avui
26 de xaneiro de 2009
O candidato a lehendakari do PP, Antonio Basagoiti, comprometeuse a garantir por lei que os pais poidan elixir o modelo lingüístico dos seus fillos e que o coñecemento do éuscaro deixe de ser un requisito para acceder á Administración.
Fonte: Diario Vasco
26 de xaneiro de 2009
Os novos programas de lingua portuguesa para o ensino básico xa están dispoñibles para consulta pública e deberán comezar a ser aplicados de forma experimental o próximo ano lectivo, segundo afirmou o secretario de Estado de Educación.
Fonte: RTP
26 de xaneiro de 2009
A Universidade Pública de Navarra e a Real Academia da Lingua Vasca/Euskaltzaindia subscribiron no campus de Arrosadia un convenio marco que ten por obxecto xeral estreitar a colaboración entre ambas as dúas institucións. Segundo o convenio subscrito, a Universidade Pública de Navarra, no que respecta ao éuscaro, recoñece a Euskaltzaindia como a institución consultiva oficial.
Fonte: Europa Press
26 de xaneiro de 2009
Este acto enmárcase dentro do traballo que vén desenvolvendo a Corporación Nacional de Desenvolvemento Indíxena, desde o seu Programa de recuperación e revitalización das linguas indíxenas de Chile dependente da Unidade de Cultura e Educación, o cal ten por obxecto chegar á poboación infantil e xuvenil de cada aldea, e axudalos na recuperación da súa lingua ancestral, do seu orgullo cultural e a promoción do valor da diversidade.
Fonte: CONADI
26 de xaneiro de 2009
A Sindicatura de Greuges instou a Consellería de Educación a adoptar "todas as medidas que sexan necesarias, ordinarias ou extraordinarias, para garantir a aplicación efectiva dos programas de educación bilingüe en todos os centros financiados con fondos públicos".
Fonte: El Mundo
Boletín
Subscríbase ao boletín
