Cantabria
O Estado insta o Goberno de Cantabria a impulsar o cántabro na formación lingüística
O Goberno de Cantabria debe traballar para que o cántabro forme parte da formación lingüística, tanto no currículo formativo do alumnado como nas escolas oficiais de idiomas.
Fonte: El Diario de Cantabria
O Concello cántabro de Castro Urdiales estuda a viabilidade que tería o proxecto dun euskaltegi na cidade
O Concello de Castro Urdiales está a barallar, coa colaboración de AEK e o Instituto Vasco Etxepare, a posibilidade de impartir clases oficiais de éuscaro. Por iso, lanzou unha enquisa para coñecer o nivel desta lingua entre os posibles usuarios dun euskaltegi, un centro de ensinanza de éuscaro para persoas adultas cuxa viabilidade para este municipio cántabro se está a estudar.
Fonte: Ser
Destacan a importancia da expresión facial e a vocalización na lingua de signos
A asesora educativa da Federación de Persoas Xordas de Cantabria, Cristina Assal, destacou, durante a celebración do curso "Comunicación básica en lingua de signos española" que se celebra en Cantabria, o papel de factores como a expresión facial, o movemento corporal ou a vocalización na lingua de signos.
Fonte: El Correo Gallego
O Campus de Las Llamas recibe a máis de 200 novos alumnos que se formarán en lingua e cultura españolas
Os alumnos que cursarán do 2 ao 27 de agosto o curso intensivo de 'Lingua e cultura española', procedentes das universidades xaponesas de Seisen, en Tokio, e de Kanagawa, en Denver (Estados Unidos), entre outros países, terán durante a súa estancia leccións de gramática, español dos negocios, economía española, cine e política e tradución.
Fonte: 20 minutos
Publican un caderno didáctico sobre o patrimonio lingüístico cántabro
A Asociación de Defensa dos Intereses de Cantabria (ADIC) publicou un caderno didáctico que recompila os diferentes estudos realizados sobre o patrimonio lingüístico cántabro, con 165 referencias bibliográficas.
Fonte: El Diario Montañés
A Universidade de Cantabria inicia en 2011 o camiño para converterse nunha universidade bilingüe
Cincuenta profesores impartirán o curso próximo materias en inglés na Universidade de Cantabria (UC), que puxo en marcha un programa de capacitación lingüística para converterse nunha universidade bilingüe que ofreza formación "de excelencia" e compita por captar alumnos estranxeiros.
Fonte: ABC
O Campus de Las Llamas inicia os seus cursos de español para estudantes de todo o mundo
O Campus de Las Llamas da Universidade Menéndez Pelayo (UIMP) reabre as súas portas aos estudantes de español de todo o mundo que, durante os meses de verán, mellorarán os seus coñecementos en lingua e cultura españolas, coñecerán a comunidade cántabra e participarán en talleres prácticos.
Fonte: Europa Press
O Concello de Santander ensinará lingua de signos aos seus empregados
O Concello de Santander, en colaboración coa Asociación de Xordos de Santander e Cantabria, organizará cursos básicos de lingua de signos, preferentemente para os traballadores municipais que realizan tarefas de atención ao público.
Fonte: ABC
Os guías turísticos de Santander aprenden lingua de signos para informar os xordos
Para prestar un mellor servizo aos turistas con discapacidade auditiva que visitan Santander ou Cantabria, o Concello colaborará coa Asociación de Guías Turísticos Oficiais de Santander e Cantabria na organización dun curso de lingua de signos que ten como obxectivo ampliar a formación destes profesionais.
Fonte: Diario Montañés
Cantabria duplica o número de bolsas de auxiliares de inglés
O Goberno de Cantabria convocou dez bolsas, o dobre có ano pasado, e axudas económicas individuais destinadas ás persoas que desexen incorporarse como auxiliares de conversa en centros educativos de Cantabria.
Fonte: El Diario Montañés
Boletín
Subscríbase ao boletín