Castela-A Mancha
A Fundación CCM achega a lingua inglesa aos mozos de Castela-A Mancha
Un total de 876 nenos e mozos castelanmanchegos aprenderán inglés este verán cos cursos «Speak English» que ofrece a Fundación Caixa Castela-A Mancha en Irlanda, Canada e España. Trátase dun programa consolidado que conta coa colaboración do Banco CCM.
Fonte: ABC
A Escola de Tradutores de Toledo imparte un curso pioneiro sobre hebreo moderno
Esta iniciativa consolida a aposta da Universidade de Castela-A Mancha (UCLM) polo ensino desta lingua, e que se verá reforzada coa celebración do curso “Introdución á literatura hebrea a partir dos textos”, que se impartirá entre setembro de 2011 e xuño de 2012.
Fonte: ABC
Unha vintena de persoas falan o idioma esperanto en Castela-A Mancha
Segundo a Asociación Manchega de Esperanto, preto dunha vintena de persoas falan este idioma en Castela-A Mancha. Este idioma foi creado polo doutor Lázaro Zamenhof, quen publicou o seu primeiro manual en 1887, coa intención de convertelo en idioma internacional que servise como segunda lingua para toda a humanidade.
Fonte: Europa Press
Unha aldea de Cuenca de 53 habitantes publica o seu propio dicionario da lingua
O Dicionario Portalrubiero-Español foi elaborado coas achegas dos habitantes de Portalrubio de Guadamejud e dos veraneantes que van á localidade, co fin de conservar e protexer a cultura popular dos municipios da Alcarria conquense.
Fonte: La Razón
Convocan as axudas para o perfeccionamento de idiomas para profesores en Castela-A Mancha
A Consellería de Educación, Cultura e Deportes convocou as axudas para o perfeccionamento de idiomas estranxeiros para mestres e profesores de Castela-A Mancha.
Fonte: ABC
Castela-A Mancha investirá máis de 750 000 euros en programas de mellora do ensino de linguas estranxeiras
A Consellería de Educación de Castela-A Mancha investirá 751 209 euros de cara a que os alumnos dominen, como mínimo, unha lingua estranxeira, segundo informou a Junta en nota de prensa.
Fonte: 20 minutos
A Escola de Tradutores de Toledo incorpora a lingua turca ao seu programa
A vicerreitora de Docencia e Relacións Internacionais, Fátima Guadamillas, anunciou que durante o presente curso académico o centro ampliará a súa oferta docente cun programa formativo dedicado á lingua turca.
Fonte: Diario Crítico
A Consellería de Educación e a Embaixada de Francia impulsarán o francés en Castela-A Mancha
O Goberno de Castela-A Mancha realizou importantes esforzos para impulsar o ensino e a aprendizaxe da cultura e a lingua francesas nos centros docentes da comunidade, mediante a creación de centros educativos con sección bilingüe e achegando apoios ás escolas oficiais de idiomas.
Fonte: Europa Press
Os servizos de intérpretes de lingua de signos poderían desaparecer en Castela-A Mancha
Os oito intérpretes de lingua de signos e os catro mediadores que traballan na Federación de Asociacións de Persoas Xordas de Castela-A Mancha están pendentes da renovación do convenio que permite a súa actividade.
Fonte: Tecnosord
Os concellos de Castela-A Mancha poderán contar con intérpretes de lingua de signos grazas a un novo acordo
A Federación de Municipios e Provincias (FEMP) de Castela-A Mancha e a Federación de Persoas Xordas de Castela-A Mancha (FESORMANCHA) subscribiron un acordo que promoverá a accesibilidade e a información aos servizos municipais das 59 600 persoas xordas que hai censada na rexión e permitirá, entre outras cousas, que os consistorios da rexión poidan contar con intérpretes de lingua de signos en actos municipais.
Fonte: Europa Press
Boletín
Subscríbase ao boletín
