Illas Canarias
Canarias carece de mediación lingüística para inmigrantes
Canarias, pese a que é unha das rexións que máis turistas e inmigrantes recibe de España, carece dun programa público de mediadores lingüísticos, uns profesionais que exercen de enlaces entre os estranxeiros e a sociedade canaria para salvar diferenzas idiomáticas, pero tamén culturais.
Fonte: La Opinión de Tenerife
A Consellería de Educación canaria e a Embaixada Francesa asinan un protocolo de colaboración sobre programas lingüísticos
A conselleira de Educación, Universidades, Cultura e Deportes do Goberno de Canarias, Milagros Luis Brito, e o embaixador de Francia en España, Bruno Delaye, asinaron un protocolo de colaboración en materia de programas educativos e lingüísticos.
Fonte: Gobierno de Canarias
Aumenta o interese por aprender árabe nas Illas Canarias
A proximidade de moitos destinos árabes, o crecemento dun amplo sector de poboación de orixe emigrante que reclama servizos básicos no seu idioma e os negocios fan que cada vez máis persoas se interesen pola aprendizaxe do árabe.
Fonte: Canarias al Día
O asubío da Gomera podería ser unha materia regrada nos centros educativos da illa
O asubío da Gomera podería converterse en breve en materia regrada e obrigatoria, e podería estudarse en colexios e institutos como unha materia máis.
Fonte: RTVC
A Gomera recibe o certificado que declara o asubío desta illa como patrimonio da humanidade
A directora xeral de Cooperación e Patrimonio Cultural do Goberno de Canarias, Aranzazu Gutiérrez, fíxolle entrega ao Cabido insular do certificado que acredita o asubío da Gomera como Patrimonio Cultural Inmaterial da Humanidade.
Fonte: ABC
O Goberno de Canarias buscará potenciar o bilingüismo nas aulas do arquipélago
O Goberno de Canarias mostrou, a través das palabras do seu presidente Paulino Rivero, a súa clara intención de potenciar o bilingüismo nas aulas canarias. Rivero indicou ao finalizar a súa xuntanza con representantes do sector educativo que será necesario que os alumnos do arquipélago manexen polo menos dous idiomas.
Fonte: RTVC
A Academia Canaria da Lingua investiga a singularidade do español que se fala en La Gomera
A Academia Canaria da Lingua investigará a singularidade do español que se fala en La Gomera e reunirá palabras que garda a illa, segundo se informa desde a área de Cultura do Cabido.
Fonte: Europa Press
O Goberno canario admite que a comunidade está "fóra de prazo" para cumprir coa UE na aprendizaxe da segunda lingua estranxeira
A conselleira de Educación, Cultura e Deportes do Goberno de Canarias, Milagros Luis Brito, admitiu que as illas “están fóra de prazo” para lograr o obxectivo imposto pola Unión Europea para que nos Estados membros se falen “dúas linguas máis unha”.
Fonte: Europa Press
A Universidade das Palmas de Gran Canaria incorpora o itinerario inglés-chinés ao grao de linguas modernas
A partir do próximo curso, a Universidade das Palmas de Gran Canaria incorpora ao Grao de Linguas Modernas un segundo itinerario inglés-chinés, no que a segunda lingua estranxeira é o chinés.
Fonte: Canarias 7
O Concello de Tenerife subvenciona unha fundación para contar con servizo de intérpretes de lingua de signos
O Concello de Tenerife achegará 4860 euros a unha fundación, que estarán destinados a cubrir o 40 % do custo anual do servizo de intérpretes de lingua de signos. Este recurso está concibido como unha ponte de entendemento entre a comunidade xorda e a oínte, facendo accesible a información noutra lingua e logrando integrar as persoas xordas na sociedade sen limitacións comunicativas.
Fonte: Tecnosord
Boletín
Subscríbase ao boletín
