O Proxecto Nós, xunto coa Vicerreitoría de Estudantes e Cultura da Universidade de Santiago de Compostela, puxo en marcha unha actividade formativa de 25 horas para capacitar o alumnado de grao na recollida e validación de datos de voz en galego a través de Common Voice. A actividade permitirá achegarse ás tecnoloxías da fala na nosa lingua e contribuír á creación de recursos lingüísticos abertos mediante a gravación e verificación de fragmentos orais. O curso insírese na aposta por fortalecer a presenza do galego no ámbito dixital e tecnolóxico.
Fonte: Consello da Cultura Galega
Sección:
