Observatoriu de la Llingua Gallega
Bienveníu/ida a la páxina web del Observatoriu de la Llingua Gallega. N’ella va poder atopar información d’interés sobre la llingua propia de Galicia, y tamién sobre’l llabor desendolcáu hasta’l momentu por ésti.

L’Observatoriu de la Llingua Gallega constituyóse nel añu 2007 y ye una iniciativa de la Secretaría Xeneral de Política Llingüística de la Xunta de Galicia (Gobiernu autónomu de Galicia, España) que tien como obxetivu principal algamar un conocimientu de primer mano sobre la situación de la llingua gallega na sociedá de Galicia, información que va poder atopar nesta páxina web.

Amás, la web incorpora, ente otros recursos, documentación sociollingüística sobre les llingües d’España y del restu del mundu. L’Observatoriu de la Llingua Gallega quier, pues, contribuir tanto a la divulgación de la diversidá llingüística del mundu, y como a la promoción de les llingües rexonales y minoritaries. Fiel a esti propósitu, la web cuenta con una sección d’anuncies actualizada diariamente sobre la realidá llingüística mundial y con un boletín electrónicu selmanal.

Convidámoslu/a, entós, a que visite la nuestra páxina web nuna d’estes llingües: gallego y español, y a que se suscriba al boletín. Si quier más información sobre l’Observatoriu de la Llingua Gallega pue mandar un corréu electrónicu a info@observatoriodalinguagalega.org.

Traducíu por Penélope Miranda (Serviciu de Normalización Llingüística. Conceyu L.lena)