Ouserbatório de la Lhéngua Galhega

Bienbenido/a a la páigina web de l Ouserbatório de la Lhéngua Galhega. Neilha podereis achar anformacion de antresse subre la lhéngua própia de la Galízia i subre l trabalho zambolbido até agora por el.

L Ouserbatório de la Lhéngua Galhega custituiu-se l anho 2007 i ye ua einicitiba de la Secretarie Giral de Política Lhenguística de la Xunta de Galícia (Goberno outónomo de la Galízia, Spanha) que quier percipalmente outener un coincimiento de purmeira mano subre la situacion de la lhéngua galhega na sociadade de la Galízia, anformacion que podereis achar nesta páigina web.

Alhá desso, la web ancorpora, antre outros recursos, decumentaçon sociolhenguística subre las lhénguas de Spanha i de l restro de l mundo. L Ouserbatório de la Lhéngua Galhega deseia, assi, cuntrebuir pa la dibulgaçon de la dibersidade lhenguística de l mundo i pa la promocion de las lhénguas regionales i minoritárias. Fiél a este perpósito, la web çpon dun secçon de amboras atualizada a cada die subre la rialidade lhenguística mundial i de un boletin eiletrónico semanal.

Assi sendo, cumbidamos-bos a bejitar la nuossa páigina web nua de las seguintes lhénguas: Galhego i Spanhol, i a suscrebir l boletin. Se deseardes mais anformaçon subre l Ouserbatório de la Lhéngua Galhega podeis mandar ua carta eiletrónica para info@observatoriodalinguagalega.org.