A Xunta de Galicia -a través da Secretaría Xeral de Política Lingüística da Consellería de Cultura, Educación e Ordenación Universitaria e da Dirección Xeral de Xuventude, Participación e Voluntariado da Consellería de Política Social- está traballar para poñer en marcha o primeiro Plan de dinamización da lingua galega na mocidade, un proxecto co que pretende incrementar a utilización do galego entre a xente nova.

A Xunta aspira a elaborar este plan coa participación activa e o compromiso das administracións e entidades públicas e organizacións sociais que interveñen no ámbito da mocidade, para que, coa implicación de todos, se cree unha dinámica de actuación encamiñada a poñer en marcha iniciativas dirixidas a aumentar o uso do galego entre mozas e mozos.

Coa finalidade de dar a coñecer o devandito plan e animar os axentes implicados neste ámbito a participar coas súas achegas para enriquecer o documento, as consellerías de Educación e de Política Social organizaron un acto no que se presentaron as liñas básicas de actuación, así como o proceso participativo que se iniciou para que as persoas e as organizacións interesadas poidan realizar as súas contribucións.

As persoas interesadas en facer as súas propostas, de maneira individual ou conxunta, poden acceder aos documentos que figuran máis abaixo, cubrilos e envialos á Secretaría Xeral de Política Lingüística, tal e como se indica nos propios .pdf.

Noticias do ámbito da dinamización do galego na mocidade

Documentos relacionados

1. Plan de dinamización da lingua galega na mocidade 2019-2022 presentado ao Parlamento de Galicia o 3 de xullo de 2019
2. Documento estrutural básico do Plan de dinamización da lingua galega na mocidade. Formato PDF. 876 KB
3. Cuestionario de participación individual. Formato PDF. 73 KB
4. Cuestionario de participación en grupo. Formato PDF. 66 KB