O Concello de Zarautz organiza cursos básicos de éuscaro que están dirixidos a estranxeiros que non tiveron contacto coa cultura vasca.

Fonte: Diario Vasco

Unhas 500 persoas concentráronse o sábado pola tarde ante as portas do Palacio de Ajuria Enea, en Vitoria, para pedirlle ao Goberno vasco que respecte a "liberdade" dos pais a elixir a lingua en que queren educar os seus fillos.

Fonte: El Mundo

Os tres partidos que sustentan o Goberno (PNV, EA e EB) instaron as empresas e grandes comercios a que incorporen máis o éuscaro na súa actividade para cumprir o dereito do Executivo que obriga a garantir a atención na lingua autóctona.

Fonte: El País

O pacto de goberno PSOE-PAR queda en suspenso na política lingüística que pretende sacar adiante o presidente Marcelino Iglesias. Ata o de agora, sobre este asunto os aragonesistas distanciábanse en privado, evitando un enfrontamento aberto co PSOE. Pero xa optaron por desmarcarse expresamente, ante a insistencia con que Iglesias trata de dar carta de natureza legal ao catalán como "lingua propia" de Aragón e estender o seu uso en colexios e institutos como "lingua vehicular".

Fonte: ABC

A Viceconsellería de Política Lingüística do Goberno vasco, a través do Consejo Asesor del Euskera, emprendeu unha nova etapa coa posta en marcha dun amplo proceso de reflexión e debate en torno ás bases da política lingüística. Con este fin creouse a Comisión Especial "Bases para a política lingüística de principios do século XXI". No devandito proceso de reflexión, preténdese analizar o camiño percorrido ata o presente en materia de política lingüística e concretar os pasos que cómpre dar nos vindeiros anos.

Fonte: Euskadi.net

O portavoz do Partido Socialista nas Cortes de Aragón, Jesús Miguel Franco, manifestou que traballan no texto da futura lei de linguas de Aragón, que non pretende "ningunha imposición, nin ningunha cooficialidade".

Fonte: Europa Press

A directora xeral de Política Lingüística do Goberno balear, Margalida Tous, presentou a campaña de fomento do uso do catalán que iniciou o seu departamento en colaboración co Consorci per al Foment de la Llengua Catalana, no que participan institucións municipais, insulares e autonómicas baixo o lema: Ara és la teva. Parla en català. Esta campaña márcase como obxectivo «manter a lingua catalá como vehículo de relación entre as persoas en todos os ámbitos».

Fonte: Diario de Ibiza

Ciutadans anunciou que oito entidades de varias comunidades autónomas -entre elas Cataluña, País Vasco e Baleares- participarán na manifestación convocada pola formación o domingo 28 en contra do modelo de inmersión lingüística e a favor do dereito dos pais a escolarizar os seus fillos en castelán.

Fonte: El Mundo

O Consello Navarro do Éuscaro debate o borrador do decreto foral que actualizará a valoración do éuscaro no acceso á Administración. O texto, que conta co apoio de Euskarabidea, espertou polo contrario unha notable insatisfacción na maioría dos representantes do mundo euscaldún, debido á falta de ambición da reforma que non recupera a filosofía de circuítos bilingües presente nos primeiros decretos de 1994 na época do goberno de Juan Cruz Alli.

Fonte: Noticias de Navarra

O cantautor bilbaíno Tontxu Ipiña ofrecerá o vindeiro sábado un concerto en Sant Joan d'Alacant que contará cunha adaptación á lingua de signos para que o espectáculo poida ser seguido polos discapacitados auditivos.

Fonte: Información