As familias de Pamplona que envían as súas fillas e fillos ás escolas infantís co modelo en éuscaro manifestaron a súa preocupación pola continuidade destes centros debido á postura do Goberno municipal que considera excesiva a oferta nesta lingua.

Fonte: Cadena SER

A Consellería de Educación, Universidade e Investigación entregou os premios do concurso posto en marcha no marco da campaña 'I tu, jugues en català?' no que participaron preto de 200 aspirantes.

Fonte: Mallorca Diario

A Universidade de Oviedo acolleu a presentación dunha tese de doutoramento do xornalista e profesor Inaciu Galán que trata a situación da lingua asturiana durante o franquismo.

Fonte: AsturNews

Os Museos de Sitges incorporan por primeira vez a lingua de signos nun proxecto audiovisual no marco do programa ‘La Mirada Táctil’ posto en marcha pola Deputación de Barcelona.

Fonte: Sitges Vida

A Plataforma pola Lingua habilitou unha web para que a cidadanía lle envíe unha carta á presidenta do Goberno balear na que lle esixe que se garantan os dereitos lingüísticos na sanidade pública das illas.

Fonte: 20minutos

O novo Plan de normalización lingüística 2020-2023 do Concello de Xixón inclúe 89 medidas, a maioría recollidas xa no plan 2016-2019 ás que se suman algunhas que fan referencia ao impulso do asturiano entre a mocidade ou á necesidade de fixar unha presenza mínima desta lingua nas actividades do Consistorio, entre outras.  

Fonte: El Comercio

O Ministerio de Asuntos Exteriores manifestou o interese do Estado español por ingresar como observador asociado na Comunidade de Países de Lingua Portuguesa, o que provocou un freo na candidatura da Xunta de Galicia para acceder a esta agrupación.

Fonte: Galicia Confidencial

Valencia convértese na capital da poesía e a diversidade lingüística cun acto no que intervirán oitos poetas que ofrecerán un recital en varias linguas, como galego, valenciano, éuscaro, catalán e castelán.

Fonte: La Vanguardia

O obxectivo do Método SyD é achegar o éuscaro ao maior número de persoas posible dun xeito divertido a través dunha aplicación móbil que, polo momento, só está dispoñible para dispositivos Android.

Fonte: Euskadi Noticias

A recentemente creada Área de Normalización Lingüística da Deputación de Castelló bota a andar co obxectivo de incrementar o uso do valenciano nas administracións locais. Por este motivo, unha das súas primeiras accións vai ser adherirse á rede pública de servizos lingüísticos.

Fonte: El Periodic