España
Solicitan que o valenciano se recoñeza como lingua oficial da Unión Europea
Esquerra Unida esixe que o Parlamento Europeo, o Consello da Unión Europea e a Comisión Europea recoñezan como oficiais as linguas que se inclúen na Carta Europea das Linguas Minoritarias ou Rexionais, entre as que se atopa o valenciano.
Fonte: Levante
Convócanse subvencións para fomentar a música e a literatura en asturiano
O Boletín Oficial do Principado de Asturias (BOPA) publicou a convocatoria de dúas liñas de axudas: unha destinada a empresas editoriais, para ampliar a oferta bibliográfica en asturiano; e outra dirixida ás discográficas, co obxectivo de impulsar a música feita nesta lingua.
Fonte: 20 minutos
Un total de 829 estudantes publicou 317 artigos na Wikipedia en éuscaro
Durante o último curso incorporáronse á Wikipedia en éuscaro un total de 317 novos artigos e melloráronse 716. Con estas achegas, a enciclopedia dixital nesta lingua chega aos 294 000 artigos e case 26 millóns de visitas anuais.
Fonte: Eitb
A Universidade de Oviedo e a Academia da Lingua colaboran para difundir o asturiano
Ambas as institucións asinaron un acordo de cooperación que ten como obxectivo promover e difundir a lingua asturiana.
Fonte: El Comercio
Boletín
Subscríbase ao boletín
