España
A Universidade Pompeu Fabra organiza unhas conferencias sobre lingua de signos e comunicación xorda
A Universidade Pompeu Fabra, dentro dos estudos da Facultade de Tradución e Interpretación, comeza unha serie de conferencias sobre lingua de signos e comunicación xorda.
Fonte: Generalitat de Catalunya
O Goberno de Navarra incorporará melloras no decreto sobre o uso do éuscaro na Administración
Despois do ditame do Consello de Navarra, que critica algúns aspectos do decreto foral que regula o uso do éuscaro na Administración, o Goberno navarro incorporará modificacións neste decreto.
Fonte: Noticias de Navarra
Xixón acollerá uns cursos de teatro e de introdución ao cómic en lingua asturiana
Iniciativa polo Asturiano vai desenvolver uns cursos de teatro e introdución ao cómic en lingua asturiana, que terán lugar en Xixón durante o outono de 2017.
Fonte: Asturies.com
O Goberno de Cataluña incrementará a ensinanza en catalán e o seu uso no ámbito económico
O Pleno do Consello Social da Lingua Catalá reuniuse para abordar as principais actuacións para seguir no ámbito lingüístico. Entre as súas prioridades, salientan as de incrementar o coñecemento do catalán e o seu uso no eido económico.
Fonte: Teleprensa
Ponse en marcha un proxecto para crear 1600 artigos en éuscaro na Wikipedia
Esta iniciativa, posta en marcha polo Goberno vasco e Euskal Wikilarien Kultura Elkartea, permitirá a creación de 1600 artigos de calidade en éuscaro para a Wikipedia que sexan de utilidade para estudantes de 12 a 16 anos.
Fonte: Diario Vasco
O Concello de Huesca organiza obradoiros de lingua e cultura aragonesas para o alumnado de 3º de Educación Infantil
Este obradoiro de acercamento á lingua e a cultura aragonesas está dirixido ao alumnado de 3º de Infantil (5 e 6 anos) dos centros educativos públicos e concertados de Huesca e comarca, unha iniciativa á que, de momento, se sumaron catro colexios da capital.
Fonte: El Diario
Convocan no País Vasco cursos de éuscaro para o funcionariado do Estado
O Instituto Nacional de Administración Pública, en colaboración coa Delegación do Goberno no País Vasco, convocou cursos de éuscaro destinados aos empregados públicos da Administración Xeral do Estado co obxectivo de atender a cidadanía adecuadamente e garantir os seus dereitos lingüísticos.
Fonte: El Confidencial Autonómico
A Generalitat de Cataluña pon en marcha unha iniciativa para que as grandes marcas usen máis o catalán
O programa "Emmarca't" busca fomentar o uso do catalán entre as grandes marcas, posto que a maioría delas non conta con páxina web nin atención telefónica nesta lingua.
Fonte: Generalitat de Catalunya
Cúmprense 10 anos da lei que outorgou recoñecemento legal á lingua de signos en España
Cumpríronse dez anos da aprobación da Lei 27/2007, de 23 de outubro, que concedeu recoñecemento legal ás linguas de signos españolas e que regula os medios de apoio á comunicación oral das persoas con discapacidades auditivas.
Fonte: EcoDiario.es
Entréganse uns premios literarios para reivindicar as linguas de Aragón
O Goberno de Aragón entregou cinco premios literarios cos que busca normalizar as tres linguas que conviven na Comunidade: o castelán, o aragonés e o catalán. De feito, este ano recuperáronse dous premios relacionados coas linguas aragonesa e catalá.
Fonte: El Periódico de Aragón
Boletín
Subscríbase ao boletín
