Este novo órgano, que terá entre as súas funcións a participación no proceso de normalización lingüística, e o estudo e o asesoramento en materia de linguas, estará adscrito á Dirección Xeral de Política Lingüística e Xestión do Multilingüismo da Consellería de Educación, Investigación, Cultura e Deporte.

Fonte: Castellón Información

Xa está en marcha o proxecto para elaborar un dicionario oficial e normativo do galego-asturiano, unha iniciativa impulsada pola Fundación Parque Histórico do Navia e os municipios da zona occidental de Asturias.

Fonte: Xornal da Mariña

A conselleira Fanny Tur escribiu unha carta explicando as axudas para fomentar a utilización do catalán nas federacións e clubs deportivos.

Fonte: El Mundo

A plataforma Tuterako, integrada por diferentes organizacións que traballan en defensa do éuscaro, constrúese para fomentar, reivindicar e impulsar o uso desta lingua.

Fonte: Noticias de Navarra

Miles de persoas participarán en diferentes iniciativas para promover a difusión e a normalización das linguas de signos españolas.

Fonte: Europa Press

A Consellería de Cultura, Participación e Deportes fixo unha consulta previa entre a cidadanía para recadar a súa opinión sobre o proxecto para crear a Oficina de Defensa dos Dereitos Lingüísticos, cuxo obxectivo será protexer a poboación en situacións de vulnerabilidade lingüística.

Fonte: La Vanguardia

O período de matriculación na materia de Lingua Asturiana e Literatura para o curso 2018-2019 xa está aberto e, como todos os anos, púxose en marcha unha campaña, baixo o título #YoApúntome, para informar das súas vantaxes.

Fonte: 20minutos

O acto de inauguración da festa das ikastolas de Áraba celebrouse en Argantzon Ikastola, que organizou a 38 edición do Araba Euskaraz baixo o lema “Irrikitan”.

Fonte: El Mundo

País Vasco, Navarra e Iparralde renovaron en Donostia o acordo Hiruko Ituna que recolle cinco ámbitos de actuación en materia de educación e euscaldunización de adultos; fomento do éuscaro no ocio, no contorno dixital e no ámbito socioeconómico; sensibilización sobre o éuscaro e creación ámbitos para a reflexión; investigación sociolingüística e corpus do éuscaro, e colaboración no marco europeo.

Fonte: Noticias de Navarra

Con motivo do décimo aniversario dos certificados Bikain, que recoñecen o labor de fomento do éuscaro no mundo laboral, o Goberno vasco fixo balance dos resultados obtidos por estes distintivos nos últimos dez anos, unha década na que lograron esta certificación un total de 337 entidades.

Fonte: El Diario Vasco