España
O Concello de Bilbao está a elaborar o seu Plan de normalización do éuscaro
O Plan de normalización elabórase para fomentar o uso do éuscaro en diferentes ámbitos e áreas de actuación, e para lograr unha maior implicación por parte do persoal municipal.
Fonte: Deia
A Casa da Cultura de Xàtiva acolle unha entrega de premios de narrativa breve en valenciano
A Concellería de Política Lingüística entregoulle os premios do certame de narrativa curta en valenciano ao alumnado de Secundaria e Bacharelato dos centros de ensino de Xàtiva.
Fonte: El Periodic
O Congreso dos Deputados solicita que as linguas de signos española e catalá formen parte do sistema educativo
Tal e como recolle o marco legal vixente, o Congreso dos Deputados solicitou que as linguas de signos española e catalá se incorporen ao sistema educativo.
Fonte: Servimedia
A lingua asturiana xa é unha materia máis no 81% de centros concertados do Principado
Os centros concertados que imparten a materia de Lingua Asturiana e os alumnos que a estudan foron en aumento dunha maneira salientable, e xa supoñen unha porcentaxe do 81% os centros que a ofertan.
Fonte: La Nueva España
A Concellería de Normalización Lingüística de Altea fomenta o cine en valenciano
A concelleira de Normalización Lingüística presentou a terceira edición de "Bellaguarda de Cine", unha iniciativa para promover o cinema en valenciano con filmes para todos os públicos.
Fonte: El Periodic
A Deputación de Guipúscoa organiza un concurso para que a mocidade cree audiovisuais en éuscaro
O concurso, denominado Hi Gazte!, ten como obxectivo que a mocidade cree contidos en éuscaro para as redes sociais, formen unha comunidade de youtubers e consuman eses contidos.
Fonte: Noticias de Gipuzkoa
O Goberno de Navarra e a Real Academia da Lingua Vasca renovan o seu convenio de colaboración
O convenio recolle diferentes actividades que se van a desenvolver con motivo do centenario da Real Academia da Lingua Vasca e financiará varios proxectos como son o Corpus Onomástico Vasco, traballos de onomástica e toponimia, a edición do libro La Vasconia peninsular en las fuentes árabes (años 711-929) e o estudo do léxico de Joakin Lizarraga.
Fonte: 20 minutos
O Voluntariado pola Lingua cumpre quince anos en Cataluña
O Voluntariado pola Lingua, impulsado desde a Generalitat de Cataluña, formou nestes quince anos máis de 125 000 parellas lingüísticas.
Fonte: Generalitat de Catalunya
Un total de 140 mozos e mozas percorrerá os patrimonios da humanidade do País Vasco realizando actividades en éuscaro
O obxectivo desta Euskarabentura é que a mocidade afonde na xeografía, a historia, a cultura e as realidades sociolingüísticas dos lugares que visiten.
Fonte: Eitb
Asociacións do concello de Soraluze comprométense para fomentar o uso do éuscaro
O Concello de Soraluze e varias asociacións renovan o convenio 'Gure elkartian be euskaraz bai' co obxectivo de aumentar o uso do éuscaro nestas entidades.
Fonte: El Diario Vasco
Boletín
Subscríbase ao boletín
