España
O mercado municipal de Benicarló acolle unha exposición na que se defende o cine en valenciano
O obxectivo da exposición é fomentar que o público teña capacidade de elección para ver as películas en valenciano ou en castelán.
Fonte: El Periódico Mediterráneo
A Deputación de Biscaia destina 480 000 euros para a aprendizaxe do éuscaro
A Deputación de Biscaia, en colaboración co Instituto para a Euscaldunización e Alfabetización de Adultos (HABE), vai destinar o vindeiro curso 480 000 euros a uns bonos de desconto para as persoas que queiran aprender éuscaro.
Fonte: El Mundo
A Generalitat de Catalunya dará a coñecer as accións de fomento do occitano para este ano
A Dirección Xeral de Política Lingüística exporá nun coloquio que se celebrará o 26 de xuño as accións de fomento do occitano en Cataluña desenvolvidas en 2017 e as que están en curso este ano.
Fonte: Generalitat de Catalunya
O Goberno vasco dedica 979 000 euros a actividades de ocio en éuscaro
A convocatoria de axudas Euskalgintza está destinada a promover o éuscaro na vida social con actividades como a promoción da lectura con encontros entre escritores e lectores, concursos ou guías literarias.
Fonte: El Diario Vasco
Solicitan a oficialidade do galego-asturiano en todo o territorio de Asturias
Un escrito, asinado por máis de 300 persoas, reivindica un trato igualitario para o galego-asturiano e o asturiano, é dicir, que ambas as linguas, xunto co castelán, sexan oficiais en todo o territorio do Principado.
Fonte: La Nueva España
A Consellería de Educación rexistra 23 184 matrículas para as probas de valenciano
A Xunta Cualificadora de Coñecementos de Valenciano (JQCV) rexistrou máis de 23 000 matrículas para unhas probas de valenciano que, por primeira vez, se adaptan ao Marco Europeo Común de Referencia para as Linguas (MECRL).
Fonte: La Vanguardia
A Mancomunidade de Sakana entrega uns premios a 478 traballos creativos en éuscaro
O alumnado da comarca presentou un total de 478 traballos creativos en diferentes xéneros (narrativa, poesía e boktube) ao Certame Interescolar María Markotegi.
Fonte: Noticias de Navarra
O Goberno de Aragón convoca os seus programas para que os centros educativos ofrezan actividades en aragonés e catalán
Os centros educativos de Aragón que desexen desenvolver actividades en catalán poderán facelo grazas ao programa Jesús Moncada. Por outro lado, os que queiran realizalas en aragonés teñen á súa disposición os programas Luzía Dueso ou 'O aragonés na aula'.
Fonte: 20minutos
Segundo un informe, Cataluña perdeu 300 000 falantes habituais de catalán en menos en 10 anos
Segundo o InformeCAT 2018, o catalán perdeu 300 000 falantes en Cataluña nos últimos dez anos. Como dato positivo sinala que se incrementou nun 5% a cifra de persoas novas que o ten como lingua habitual.
Fonte: La Vanguardia
O Goberno da Comunidade Valenciana crea un organismo para o asesoramento en materia de política lingüística
Este novo órgano, que terá entre as súas funcións a participación no proceso de normalización lingüística, e o estudo e o asesoramento en materia de linguas, estará adscrito á Dirección Xeral de Política Lingüística e Xestión do Multilingüismo da Consellería de Educación, Investigación, Cultura e Deporte.
Fonte: Castellón Información
Boletín
Subscríbase ao boletín
