España
Ponse en marcha nas Illas Baleares unha campaña parar garantir atención en catalán no ámbito sanitario
A ONG Plataforma per la Llengua móstrase a favor de manter a lingua catalá no ámbito sanitario balear, para o cal solicitou que non se modifique a esixencia da lingua como requisito para os traballadores da sanidade pública das illas.
Fonte: La Vanguardia
Música e teatro conmemorarán o Día da Lingua Materna en Asturias
Con motivo da festividade do Día da Lingua Materna, que a UNESCO celebra cada 21 de febreiro, o Principado de Asturias organizou un completo programa de pezas teatrais clásicas e concertos de música tradicional asturiana.
Fonte: El Comercio
O Concello de Castelló anima os pais a inculcarlles a lingua valenciana aos seus fillos
A Oficina de Promoción do Valenciano do Concello de Castelló puxo en marcha a iniciativa "Benvidos a casa", a través da cal anima as familias que acaban de ter un fillo ou unha filla a priorizar o uso da lingua valenciana.
Fonte: Cope
O Parlamento de Navarra crea unha comisión para elaborar unha nova lei do éuscaro
O Parlamento de Navarra creará unha comisión especial que se encargará de elaborar unha proposta para unha nova Lei foral do éuscaro que teña como principios o respecto aos dereitos lingüísticos, a superación de zonificación lingüística e a oficialización do éuscaro en toda Navarra.
Fonte: Diario de Navarra
Búscase promover o aragonés través de actividades culturais, conferencias e axudas á investigación
O Goberno de Aragón busca a colaboración das entidades locais a través de protocolos cos que pór en marcha actuacións que conduzan á normalización da lingua aragonesa. A organización de seminarios ou a concesión de axudas para a investigación son algunhas das accións propostas.
Fonte: Heraldo
O éuscaro é a lingua materna de máis do 30% da xuventude vasca
O 33,1% da mocidade vasca de entre 16 e 24 anos recoñece o éuscaro como a súa lingua materna, unha porcentaxe que se incrementou considerablemente nos últimos anos. De feito, este grupo de idade é o que suma un maior número de persoas que tiveron o éuscaro como lingua materna.
Fonte: Deia
Créase unha iniciativa para transmitirlles a variante lenense da lingua asturiana ás novas xeracións
O colexio infantil El Nial de Pola de Lena puxo en marcha un programa para que os nenos e nenas aprendan a variante lenense do asturiano a través de xogos e actividades. Tamén se prevé que no próximo curso as matrículas e outros documentos administrativos se elaboren tanto en castelán como en asturiano.
Fonte: La Nueva España
O número de alumnos que recibe ensino de galego en León e Zamora supera os 1100
Máis de 1100 alumnos de centros educativos de Castela e León reciben ensino de galego no Bierzo e Sanabria grazas á colaboración entre a Xunta de Galicia e o Goberno castelán-leonés.
Fonte: Crónicas de la Emigración
O proxecto "Euskaraldia, 11 días en éuscaro" busca potenciar o uso desta lingua no País Vasco
A iniciativa "Euskaraldia, 11 días en éuscaro", posta en marcha polo Goberno vasco, proponlles aos concellos utilizar o éuscaro para comunicarse durante 11 días, dende o 23 de novembro ata o 3 de decembro de 2018.
Fonte: Sarriguren Web
Convócanse os premios ao uso da lingua valenciana nas fallas
A Oficina de Promoción e Uso do Valenciano do Concello de Torrent convocará unha nova edición dos premios ao emprego deste idioma nas fallas, a través dos que fomentan o seu uso nos rótulos e os libriños que acompañan as construcións destas festas.
Fonte: Las Provincias
Boletín
Subscríbase ao boletín
