España
O Concello de Pamplona aproba unha declaración a prol de políticas lingüísticas que garantan os dereitos da cidadanía
O Concello de Pamplona aprobou unha declaración referente á política lingüística na que se insta a continuar traballando para garantir os dereitos lingüísticos da cidadanía.
Fonte: Noticias de Navarra
A Academia da Lingua Asturiana calcula que a oficialidade suporía un 0,5 % do investimento do Principado
Na reunión entre a Academia da Lingua (ALLA) e a Federación Asturiana de Empresarios (FADE), a ALLA explicou que a oficialidade do asturiano suporía un 0,5% dos presupostos autonómicos e impulsaría as bases dunha nova industria cultural en Asturias.
Fonte: El Comercio
Apple non utilizará no asistente virtual Siri o idioma catalán
Os usuarios de Apple critican a compañía polo feito de que non quere incorporar no asistente virtual Siri o idioma catalán, despois de que así llo solicitase a Plataforma per la Llengua.
Fonte: Mundiario
A publicación de libros en asturiano continúa en niveis moi baixos
Con respecto á publicación de libros en asturiano, o seu declive continúa, aínda que mellorou no ano 2017, cando se sacaron 40 volumes en asturiano, só son dous máis que o ano anterior, pero menos da metade que no 2011.
Fonte: La Voz de Asturias
O Concello de Elx e a Academia Valenciana da Lingua asinan un acordo para promover o valenciano
A Academia Valenciana da Lingua (AVL), xunto co Concello de Elx, quere fomentar o uso do valenciano. Para isto, o Concello nomeará as rúas en valenciano, incorporándoas á nomenclatura oficial, e enlazará a súa páxina web á da AVL.
Fonte: Radio Elche
As traducións en España supoñen un 21% da produción editorial
En España cada ano tradúcense obras escritas nuns 50 idiomas diferentes, segundo o Observatorio da Lingua e do Libro. Os libros publicados en catalán e en éuscaro increméntase, mentres que baixa a cifra de títulos en galego.
Fonte: La Vanguardia
Convócanse en Navarra axudas para impulsar o uso do éuscaro no ámbito das TIC
O Boletín Oficial de Navarra publicou a convocatoria de axudas, por un importe de 40 000 euros, para a promoción, difusión e normalización do éuscaro en proxectos relacionados coas TIC (adaptación de sitios web, aplicacións e programas informáticos).
Fonte: Diario Vasco
O 82 % do cadro de persoal da Deputación Foral de Guipúscoa conta cos perfís lingüísticos de éuscaro 2, 3 e 4
No que respecta aos perfís lingüísticos do persoal que traballa na Deputación Foral de Guipúscoa, as porcentaxes son as seguintes: o 82 % ten acreditado os perfís lingüísticos de éuscaro 2, 3 e 4; un 8 % só conta co nivel 1 e o 10 % restante, ningún.
Fonte: Diario Vasco
A localidade zaragozana de Artieda acolle un encontro de inmersión lingüística en aragonés
A Asociación Trobada organiza un ano máis un encontro col obxectivo de xuntar falantes de aragonés para demostrar que é posible vivir nesta lingua fóra do ámbito familiar e social ao que normalmente se asocia.
Fonte: AraInfo
Danse a coñecer os gañadores do concurso de creación de xogos en catalán
A cuarta edición do Concurso Tísner de Creación de Xogos en Catalán xa ten gañadores. Trátase dun certame que pretende impulsar a implicación de docentes e alumnado na creación e desenvolvemento de xogos inéditos que fomenten o interese por esta lingua.
Fonte: Generalitat de Catalunya
Boletín
Subscríbase ao boletín
