España
Sancionan un mosso d’esquadra por non usar sempre o formulario de atestado en catalán
O axente podería recibir unha sanción de 16 días de suspensión de emprego e soldo por opoñerse a utilizar sempre o formulario dos atestados en catalán.
Fonte: La Vanguardia
Convócanse novas axudas dirixidas a promover o valenciano
A Dirección Xeral de Política Lingüística anunciou a convocatoria de novas axudas dirixidas a accións de promoción do valenciano, ás que poderán acollerse concellos, mancomunidades e entidades locais da Comunidade Valenciana.
Fonte: València Extra
Menos do 23% dos euscaldúns adoita ler en éuscaro
Un estudo recente sobre os hábitos de lectura dos euscaldúns conclúe que soamente un 22,9% dos enquisados le habitualmente en éuscaro, debido a, entre outros motivos, a falta de tempo ou a ausencia de contidos determinados.
Fonte: El Diario Vasco
A escola catalá maniféstase en Barcelona en defensa da inmersión lingüística
Preto de 8000 persoas saíron o pasado 17 de marzo de 2018 á rúa para manifestarse en defensa do modelo de inmersión lingüística da escola catalá e en contra de que o castelán se converta en lingua vehicular.
Fonte: EFE
A Real Academia Española revisará algunhas definicións do dicionario pola súa connotación sexista
Algunhas palabras do dicionario da Real Academia Española serán revisadas por conter connotación machista na súa definición, como xa se fixo co termo "fácil" para referirse a "muller que se presta sen problemas a manter relacións sexuais".
Fonte: Misiones Cuatro
Celébrase un debate para avaliar o marco xeral da Lei de uso e promoción da lingua asturiana
O 19 de marzo de 2018 celebrouse en Oviedo un debate para conmemorar o vixésimo aniversario da aprobación da Lei de uso e promoción do asturiano, do que se concluíu que esta lingua presenta un marco xeral positivo e un modelo propio de oficialidade, pero que aínda precisa avanzar noutros aspectos.
Fonte: La Nueva España
O Goberno de Navarra aumenta o seu investimento para promover o uso do éuscaro
O Goberno de Navarra aumentou notablemente o presuposto dirixido ás accións de promoción do uso da lingua vasca, continuando co seu labor de consolidar as políticas lingüísticas no Goberno e darlle a esta lingua un papel máis relevante.
Fonte: El Diario
Unha aplicación móbil permitirá localizar os establecementos nos que atenden en valenciano
A ONG Plataforma pola Lingua do País Valenciano desenvolveu unha aplicación para dispositivos móbiles, denominada ValenciApp, que lles permitirá aos usuarios atopar os establecementos comerciais onde poidan ser atendidos en lingua valenciana.
Fonte: ABC
Máis do 60 % da poboación vasca ten algún coñecemento de éuscaro
Segundo datos do Instituto Vasco de Estatística, tres de cada cinco residentes no País Vasco teñen algún coñecemento de éuscaro e un 42% recoñécese como falante habitual desta lingua.
Fonte: La Vanguardia
Un proxecto impulsa o uso do éuscaro a través de dúas aplicacións móbiles
O proxecto 2deo, iniciado en decembro de 2017 no País Vasco para fomentar o uso do éuscaro, presentou os primeiros resultados dende a súa posta en marcha, destacando o desenvolvemento de dúas aplicacións para dispositivos móbiles, JarriOn e Goazen, que permiten compartir contidos audiovisuais nesta lingua.
Fonte: El Diario Vasco
Boletín
Subscríbase ao boletín
