España

Preséntase unha proposición non de lei para que Google Maps use os topónimos das Baleares en catalán

MÉS per Mallorca presentou unha proposición non de lei no Parlamento balear para que na versión en castelán da aplicación de Google Maps se inclúan os topónimos do arquipélago en catalán.

Fonte: Crónica Balear

Illas Baleares

A Real Academia da Lingua Vasca apoia a modificación da lei do éuscaro para que sexa oficial en toda Navarra

Euskaltzaindia - Real Academia da Lingua Vasca apoia a declaración do Consello Navarro do Éuscaro para pedir unha modificación lexislativa pola que esta lingua se converta en oficial en toda Navarra, esencial para garantir os dereitos lingüísticos da cidadanía da Comunidade Foral.  

Fonte: Noticias de Navarra

Navarra

O Goberno de Navarra impulsa o uso do éuscaro nos centros de saúde

Euskarabidea-Instituto Navarro do Éuscaro e Osasunbidea, o servizo navarro de saúde, colaboran para fomentar o emprego do éuscaro nos centros de atención primaria, para o que levou a cabo un programa piloto en varios centros de saúde da zona vascófona co obxectivo de analizar as súas características e necesidades lingüísticas.

Fonte: Gobierno de Navarra

Navarra

Case a metade das empresas vascas dispón de páxina web en éuscaro

O 92 % das empresas vascas dispón de páxina web e destas case a metade conta con versión en éuscaro. Por territorios, a presenza da lingua vasca é algo maior nas empresas guipuscoanas (58,5 %), seguidas das biscaíñas (45,3 %) e as arabesas (44 %).

Fonte: Norte Exprés

País Vasco

Cinco superficies comerciais apoian a iniciativa Euskaraldia para mostrar o seu compromiso co uso do éuscaro no sector do comercio

El Corte Inglés, Carrefour, Uvesco (BM), Mercadona e Eroski súmanse á terceira edición de Euskaraldia e mostran así o seu compromiso para seguir avanzando na normalización do emprego do éuscaro neste sector.

Fonte: Gobierno Vasco

País Vasco

Unha nova web ensinará gramática en función do nivel de coñecementos de catalán

O Consorcio para a Normalización Lingüística (CPNL) inclúe unha nova sección na web sobre gramática do catalán na que se estruturan os contidos segundo os niveis de aprendizaxe do alumnado, desde o nivel básico ata o superior.

Fonte: Generalitat de Catalunya

Cataluña

Descóbrese en Navarra a primeira inscrición en éuscaro de hai 2100 anos

Trátase do primeiro texto en lingua vascónica, antecesora do éuscaro, composto de cinco palabras inscritas nun obxecto de bronce con forma de man que colgaba da porta dunha vivenda hai 2100 anos no poboado de Irulegi, no val de Aranguren (Navarra).

Fonte: El Correo

Navarra

Ponse en marcha Pantailaldia, unha iniciativa para fomentar o contido audiovisual en éuscaro

Ata o 18 de novembro vaise levar a cabo Pantailaldia, unha iniciativa colectiva para promover o contido audiovisual en éuscaro co obxectivo de incrementar o consumo dos contidos nesta lingua e dar a coñecer as dificultades existentes para atopar estes contidos.  

Fonte: EITB

País Vasco

Preséntase SAGA, un novo salón de videoxogos en catalán

O gaming catalán chega por vez primeira aos circuítos oficiais das competicións de videoxogos electrónicos cun novo salón, SAGA, impulsado por Plataforma per la Llengua e o apoio da Generalitat de Catalunya.  

Fonte: La Vanguardia

Cataluña

Correos actualizará a súa base de datos para comezar a utilizar a toponimia oficial asturiana

Correos vai comezar a respectar a utilización da toponimia tradicional dos concellos asturianos, para o que actualizará a súa base de datos, un proceso que espera ter finalizado no primeiro trimestre do 2023.

Fonte: Asturies.com

Asturias

Boletín

Subscríbase ao boletín

Logo Feder