A comunidade lingüística poqomam da Academia das Linguas Maias de Guatemala reclamou un maior apoio institucional para garantir a continuidade e a presenza social desta lingua maia. A entidade advirte de que a dixitalización abre novos retos para ampliar os seus ámbitos de uso, ao tempo que persisten situacións de racismo, discriminación e desigualdade que afectan os pobos indíxenas. Por iso, pide reforzar as políticas públicas, asegurar servizos con adecuación lingüística e cultural e apoiar as organizacións que traballan na defensa destes dereitos. A comunidade subliña, ademais, que a protección do poqomam resulta esencial para preservar a identidade e o legado cultural do seu pobo.
Fonte: AGN
Sección:
