Mundo

A ministra da Lingua Galesa do País de Gales anima os falantes de galés a usar máis os servizos ofrecidos neste idioma

A ministra da Lingua Galesa do País de Gales, Eluned Morgan, defendeu a necesidade de que os falantes de galés empreguen máis a súa lingua no ámbito público xa que o nivel de uso actual é baixo.

Fonte: BBC

Un cidadán ruso convértese en responsable da normalización lingüística dunha zona de fala gaélica de Irlanda

Victor Bayda, natural de Moscova, será o próximo responsable da normalización lingüística dunha zona de fala gaélica do sur de Kerry en Irlanda.

Fonte: The Journal

O Instituto Cervantes nomea 21 novos responsables nos seus centros do exterior

O director do Instituto Cervantes, Luis García Moreno, nomeou un total de 21 novos directores e directoras de centros da institución no exterior.

Fonte: El Diario
 

Descobren o dicionario chinés-español máis antigo do que se ten coñecemento

Os catedráticos Fabio Yu-Chung Lee da Universidade Nacional Tsing-Hua de Taiwán e José Luis Caño Ortigosa da Universidade de Sevilla descubriron no arquivo da Universidade de Santo Tomás de Manila (Filipinas) o dicionario chinés-español máis antigo e completo do que se ten coñecemento.

Fonte: University of Santo Tomás

Un kenyano inventa unhas luvas que traducen a lingua de signos

O kenyano Roy Allela creou unhas luvas capaces de converter lingua de signos en sons. O invento foi xa nomeado para o Premio Africano de Innovación en Enxeñaría.

Fonte: Shifter

O Brasil defende a sistematización do ensino da lingua portuguesa para as persoas estranxeiras

O responsable do Ministerio de Asuntos Exteriores do Brasil, Bruno Zétola, declarou que o seu goberno desexa sistematizar os programas de ensino do portugués para persoas estranxeiras ou nacionais que non falen o portugués como primeira lingua.

Fonte: Observador

Marrocos reforzará o ensino do francés na educación secundaria

O Goberno de Marrocos propuxo a reintrodución do francés como lingua de instrución na educación secundaria co fin de reforzar o nivel do alumnado de cara á universidade.

Fonte: REUTERS

O mundo celebra o Día Internacional da Lingua Materna

O 21 de febreiro, a Unesco celebra o Día Internacional da Lingua Materna co fin de promover o uso e o ensino das lingua maternas en todo o mundo. Este ano tentarase concienciar as persoas sobre o valor que as linguas maternas teñen para o desenvolvemento, a construción da paz e a reconciliación dos pobos.

Fonte: UNESCO

Timor Leste aposta pola formación en lingua portuguesa do persoal da xustiza

O ministro de Xustiza de Timor Leste, Manuel Cáceres da Costa, defendeu en Dili a importancia da formación en lingua portuguesa dos axentes xurídicos co fin de acadar unha xustiza máis xusta.

Fonte: Jornal de Notícias 

Unha universidade californiana ofrecerá dous cursos de lingua e cultura portuguesas

A Universidade Estatal de California en Fresno ofrecerá a partir do próximo ano lectivo dúas novas disciplinas de lingua e cultura portuguesas. Unha delas versará sobre lingua e literatura e a segunda sobre cultura lusófona. Os cursos serán impartidos no Departamento de Linguas e Literaturas Modernas e Clásicas da Facultade de Artes e Humanidades da devandita universidade.

Fonte: Observador

Boletín

Subscríbase ao boletín

5 + 10 =
Logo Feder