Un acto institucional clausurou o Ano Internacional das Linguas Indíxenas da ONU co obxectivo claro de perserverar nos esforzos de promoción e revitalización dos idiomas autóctonos de todo o mundo.

Fonte: Noticias ONU

O BabeliUM, Centro de Linguas da Universidade do Miño, promove no primeiro semestre de 2020 cursos de formación de diversas linguas estranxeiras nos campus de Gualtar, en Braga, e Azurém, en Guimarães. Os cursos inclúen os idiomas: xaponés, coreano, árabe, ruso, alemán, español, galego, francés, inglés, italiano, lingua de signos portuguesa e portugués como lingua estranxeira (PLE).

Fonte: Freepass Guimarães

A influencia das redes sociais pode ter un impacto nos baixos resultados obtidos en lingua maltesa polo alumnado de secundaria no exame oficial da Educación Secundaria Obrigatoria de Malta.

Fonte: Times of Malta

A institución da Comunidade de Países de Lingua Portuguesa (CPLP) responsable da defensa e promoción da lingua portuguesa, o Instituto Internacional da Lingua Portuguesa, ten unha situación financeira grave por mor dunha débeda de 600 mil euros.

Fonte: Jornal de Notícias

O Goberno de Suíza implementará novas leis para garantir que os residentes estranxeiros teñan competencia en tres linguas oficiais: alemán, francés e italiano.

Fonte: The Local

O condado escocés de West Lothian aproba un plan para a promoción do uso do gaélico e o seu ensino na escola dentro da súa xurisdición local.

Fonte: Daily Record

A cidade francesa de Niza terá a partir do próximo curso unha nova escola bilingüe onde os escolares poderán aprender, ademais do francés, o dialecto nizardo do occitano.

Fonte: Nice-Matin

A corporación de noticias británica BBC incluíu a xornalista finlandesa Sara Wesslin na lista das cen mulleres máis influentes do mundo. Sara foi escollida con esta distinción polo seu traballo na salvagarda da lingua saami de Skolt, unhas das variedades máis ameazadas deste idioma urálico.

Fonte: News Now Finland 

Oxford Dictionaries declarou o sintagma "climate emergency" nova palabra do ano 2019 en inglés. No espazo de 12 meses, o uso deste termo incrementouse exponencialmente.

Fonte: The Guardian

O primeiro ministro indio, Narendra Modi, anunciou o seu interese en que a India se converta en país observador da Comunidade de Países de Lingua Portuguesa (CPLP).

Fonte: Mundo Lusíada