O secretario xeral da Lingua, Valentín García, acompañou a escritora, filóloga e profesora Inma López Silva na presentación da obra Despois de San Castelao. Unha biografía do mesías galego, unha aproximación divulgativa e á vez crítica á figura de Afonso Daniel Rodríguez Castelao, unha das personalidades fundamentais da cultura e da historia política galega do século XX. Con este título, Moléculas Editorial, dirixida por Francisco Castro, inicia a súa andaina editorial cunha proposta que pretende achegar a literatura e o ensaio galegos a un público amplo, desde a esixencia e a liberdade creativa.
Fonte: O Portal da Lingua Galega
Sección:
