A ministra de Ensinanza Superior da provincia canadense de Ontario anunciou que se aprobará a lexislación necesaria para crear a primeira universidade francófona da provincia.
Fonte: The Star
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de agosto de 2017
Os últimos datos mostran que se está producindo un forte descenso do número de alumnos dos primeiros anos do ensino secundario no Reino Unido.
Fonte: The Telegraph
28 de agosto de 2017
A Consellería de Educación da Comunidade Valenciana eliminou do seu sitio web os datos sobre os proxectos lingüísticos dos centros educativos. Fronte ás críticas de plataformas contrarias ao novo modelo lingüístico proposto, o Goberno valenciano indicou que a supresión destes datos responde á suspensión cautelar do decreto de 2017.
Fonte: Las Provincias
28 de agosto de 2017
Cúmprense 40 anos da aprobación da Carta da Lingua Francesa, coñecida como lei 101, que converteu o francés en idioma oficial do Quebec.
Fonte: Huffington Post
28 de agosto de 2017
A Consellería de Cultura, Educación e Ordenación Universitaria expediu nos últimos nove anos académicos – e a falta dos exames de setembro do curso 2016/17 – un total de 13 114 títulos acreditativos do nivel B2 no Marco Común Europeo de Referencia para as Linguas (MCERL) nalgunha das linguas que se ensinan na rede de Escolas Oficiais de Idiomas e as súas seccións de Galicia.
Fonte: Xunta de Galicia
28 de agosto de 2017
A Editorial Universitaria da Universidade do Salvador publica a obra Atlas lingüístico pluridimensional de El Salvador (ALPES) Nivel fonético, unha análise xeolingüística pluridimensional do español falado neste país.
Fonte: La Prensa Gráfica
28 de agosto de 2017
A Consellería de Cultura, Educación e Ordenación Universitaria vén de publicar a convocatoria dun total de 49 cursos para a mellora das competencias na lingua propia de Galicia, nomeadamente de linguaxe administrativa galega –un total de 14 nas modalidades presencial e en liña, nivel medio e superior– e 35 cursos preparatorios para as probas de acreditación da certificación de lingua galega (Celga).
25 de agosto de 2017
Saveriu Luciani, conselleiro executivo responsable da lingua corsa, reuniuse cos alcaldes dos municipios de Alta Gallura cos que asinou un acordo de cooperación que prevé, entre outras medidas, a creación dun centro cultural para promover a lingua e a cultura comúns.
Fonte: Corse-Matin
25 de agosto de 2017
O manuscrito localizouse na biblioteca da familia Agra de Baio. Trátase dunha das escasas mostras orixinais da época en lingua galega conservadas nesta zona.
Fonte: Adiante Galicia
24 de agosto de 2017
O obxectivo deste obradoiro é que o persoal que traballa na xustiza adquira destrezas de lectoescritura en quechua e coñeza a terminoloxía xurídica básica no ámbito penal nesta lingua.
Fonte: Gestión
Boletín
Subscríbase ao boletín
