Getxo destinará en 2016 un total de 324 881 euros a axudas para promover o éuscaro en diferentes ámbitos: aprendizaxe do idioma, tempo libre e deporte, medios de comunicación, cultura e mundo laboral.
Fonte: El Correo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de marzo de 2016
11 de marzo de 2016
Un mapa coas linguas de Europa e unha máquina expendedora de dicionarios son dúas das iniciativas coas que se quere reivindicar a diversidade lingüística europea no marco do proxecto Euskarriak.
Fonte: El Diario Vasco
11 de marzo de 2016
O Departamento de Asuntos Estranxeiros de Suíza inaugurou en Berna unha nova edición da Semana da Francofonía que conmemora a creación da primeira asociación francófona do mundo na Convención de Niamey de 1970.
Fonte: 24 heures
11 de marzo de 2016
A maioría das palabras empregadas para nomear a fauna e flora do Brasil procede de linguas indíxenas
Unha investigadora da Universidade de Pittsburgh afirma que arredor do 80 % das palabras que nomean a fauna e flora do Brasil procede das linguas indíxenas, sobre todo do idioma tupí.
Fonte: Portal Amazônia
11 de marzo de 2016
Este premio ten como obxectivo fomentar a reflexión sobre a situación social da lingua galega e incentivar o seu uso na prensa escrita. A persoa gañadora do certame recibirá 1000 euros, así como a publicación do artigo nos nove medios de comunicación que colaboran coa iniciativa.
Fonte: Consello da Cultura Galega
10 de marzo de 2016
O Plan de normalización lingüística do Concello de Xixón, aprobado coa abstención do PP, está formado por 68 puntos repartidos en cinco áreas.
Fonte: Asturies.com
10 de marzo de 2016
A Comisión de Normalización Lingüística da Facultade de Filoloxía organiza o obradoiro "Mellora o teu discurso oral" que se desenvolverá do 28 de marzo ao 14 de abril.
Fonte: O Cartafol Dixital
10 de marzo de 2016
A Xunta de Galicia -a través da Secretaría Xeral de Política Lingüística- e o Goberno de Castela e León ratificaron o compromiso de ambas as administracións para mellorar o Protocolo Xeral de Colaboración para a promoción do idioma galego no Bierzo e Sanabria.
Fonte: Xunta de Galicia
10 de marzo de 2016
O secretario xeral de Política Lingüística, Valentín García, participou en Vilafranca do Bierzo nos actos de celebración do Día do Galego nos centros docentes do Bierzo (León) e Sanabria (Zamora), que se enmarcan na VIII edición das Xornadas Martín Sarmiento.
Fonte: Xunta de Galicia
09 de marzo de 2016
Un estudo científico revelou que unha especie de paxaro do Xapón (Parus minor) é capaz de empregar regras sintácticas ao se comunicar con outros membros da súa especie.
Fonte: UPI
Boletín
Subscríbase ao boletín
