Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    14 de abril de 2015
    As entidades culturais de Pamplona xa poden solicitar as axudas para actividades en éuscaro

    As entidades culturais de Pamplona xa teñen o prazo aberto para solicitarlle ao Concello as subvencións para actividades culturais en éuscaro.

    Fonte: Noticias de Navarra

    14 de abril de 2015
    O éuscaro non poderá ser un factor determinante na selección de condutores de autobús en Donostia

    A empresa de autobuses de Donostia non poderá utilizar a proba de éuscaro como factor eliminatorio no proceso de selección de condutores, xa que vai en contra do convenio laboral existente.

    Fonte: Diario Vasco

    14 de abril de 2015
    Mellorar o discurso oral en galego do alumnado é o obxectivo dun obradoiro organizado pola Universidade de Santiago

    O obradoiro “Mellora o teu discurso oral” ten como obxectivo proporcionar ferramentas que melloren o discurso oral do alumnado, a través da adquisición de habilidades sociais e comunicativas, así como de competencias discursivas e lingüísticas orais.

    Fonte: Consello da Cultura Galega

    14 de abril de 2015
    A Universidade de Santiago convoca unha nova edición do seu concurso de curtas que busca promover o uso do galego no audiovisual

    O IV Premio de pezas audiovisuais curtas de comedia "Somos a curta!" ten como finalidade fomentar o emprego do galego nos novos valores do audiovisual en Galicia.

    Fonte: Consello da Cultura Galega

    13 de abril de 2015
    Angola presenta as bases para a ratificación do Acordo Ortográfico da Lingua Portuguesa

    A República de Angola defende a adopción dun vocabulario ortográfico nacional e a modificación de bases científicas como requisitos para a ratificación do Acordo Ortográfico da Lingua Portuguesa.

    Fonte: ANGOP

    13 de abril de 2015
    O Tribunal Unificado de Patentes non terá o portugués como lingua de traballo

    Algúns deputados portugueses votaron en contra do acordo que permite a creación do Tribunal Unificado de Patentes por consideralo discriminatorio para a lingua portuguesa.

    Fonte: Notícias ao Minuto

    13 de abril de 2015
    O Auditorio Municipal de Ourense acolle a celebración da Festa da Lingua

    A Federación Española de Relixiosos de Ensinanza foi a encargada de organizar, como cada ano, esta festa á que acudiron arredor de cincocentos nenos e nenas.

    Fonte: Faro de Vigo

    13 de abril de 2015
    A Universidade da Coruña organiza un maratón de lectura de textos traducidos ao galego

    Baixo o título “No galego cabe o mundo”, a Facultade de Filoloxía acolle entre os días 13 e 17 de abril este maratón de lectura.

    Fonte: Universidade da Coruña

    10 de abril de 2015
    Lisboa acolle un festival de cinema en lingua portuguesa

    Lisboa acolle a sexta edición do FESTin, Festival de Cinema Itinerante da Lingua Portuguesa.

    Fonte: Rfi português

    10 de abril de 2015
    O mirandés convértese nunha das linguas oficiais dunha asociación lusoasturiana

    O mirandés converteuse, xunto co portugués, o asturiano e o español, en lingua oficial da recentemente constituída Asociación de Desenvolvemento Asturias-Portugal.

    Fonte: Observador

    Boletín

    Subscríbase ao boletín

    Logo Feder