Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O obxectivo desta rolda popular é “sacar o éuscaro á rúa”, como conta Koldo Viñuales. “Desta forma o éuscaro está presente nas festas e a xente pode gozar del de forma lúdica”, afirma. As cancións escollidas, todas elas en éuscaro, son cancións coñecidas.
Fonte: Noticias de Navarra
Unha investigación presentada no marco do Congreso de Estudos Bolivianos revelou que das 54 linguas nativas de Bolivia, 15 xa están extintas (28 %), 11 se encontran moribundas (20 %), 20 están seriamente ameazadas (37 %) e só o 14 % delas se fala actualmente.
Fonte: Correo del Sur
De agosto do ano pasado ata agora, aumentou case un 30 % o número de estranxeiros que se interesaron polos cursos de portugués para estranxeiros na Facultade de Letras da Universidade de Lisboa. O coordinador dos cursos subliña o aumento do interese dos orientais pola lingua portuguesa.
Fonte: Tsf
A actividade de promoción do galego na época estival Augalingua, impulsada pola Consellería de Cultura, Educación e Ordenación Universitaria, conclúe o seu itinerario por 18 concellos da Rede de Dinamización Lingüística (RDL) da Xunta de Galicia.
Fonte: Xunta de Galicia
Emparellados é un quebracabezas para pasar o tempo no móbil ou tablet cuxa interface pode configurarse para amosar textos en español, galego, inglés e koruño.
Fonte: Código Cero
O Servizo de Normalización Lingüística da Mancomunidade de Concellos da Mariña Luguesa organiza diversas actividades de dinamización e formación lingüística co obxectivo de fomentar o uso do galego entre a poboación mariñá.
Fonte: Consello da Cultura Galega
A Asociación de Medios en Galego (AMEGA) comeza a dar pasos en firme para mellorar e regularizar a situación dos xornais, radios, televisións ou webs que apostan polo galego como vía de comunicación. Con este obxectivo, varios membros deste colectivo entrevistáronse coa secretaria xeral de Medios, Mar Sánchez, e co secretario xeral de Política Lingüística, Valentín García. Ambos os dous comprometéronse a traballar conxuntamente coa AMEGA para potenciar a situación dos medios en galego.
O popular xestor de contidos WordPress vén de estrear a súa versión 3.6, que xa está dispoñible en galego, e que supón unha interesante actualización para esta potente plataforma.
Fonte: Código Cero
A asociación cultural Faceira e o Concello de Astorga convocaron uns novos galardóns literarios en leonés que levarán o nome de Astúrica.
Fonte: Diario de León
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, acompañou ao escritor e académico da lingua galega Xosé Neira Vilas, na presentación de dúas novas obras na Feira do Libro da Coruña.
Fonte: Xunta de Galicia
Subscríbase ao boletín
