O TERMCAT publica a Terminologia de les Festes de Menorca (Terminoloxía das Festas de Menorca), un dicionario en liña que incorpora os termos relativos aos diversos ámbitos que forman parte da festa.
Fonte: Generalitar de Cataluña
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de agosto de 2013
O Concello de Tolosa deu outro paso máis a prol da normalización lingüística do éuscaro, tras asinar acordos de colaboración co euskaltegi Goiztiri AEK e a asociación Hitzaro Euskara Elkartea.
Fonte: Diario Vasco
07 de agosto de 2013
Un artigo publicado recentemente revela que as poboacións da India que falan unha lingua diferente do inglés son as que máis contribúen ao crecemento da enciclopedia en liña.
Fonte: Clubic Pro
07 de agosto de 2013
Aínda que Alxeria segue sen recoñecer oficialmente a lingua tamazight (bérber), dúas das principais universidades do país introducirán o ensino da lingua turca.
Fonte: Siwel
07 de agosto de 2013
O número de persoas en Estados Unidos que falan un idioma diferente ao inglés na casa practicamente se triplicou nas últimas tres décadas, superando amplamente o aumento da poboación xeral, segundo datos oficiais. Aínda que o español segue a ser o idioma máis falado despois do inglés, outras linguas, particularmente as do sur de Asia e África, incrementaron o seu uso, dixo a Oficina do Censo de Estados Unidos nun relatorio.
Fonte: Terra
07 de agosto de 2013
O Tribunal Superior de Xustiza de Navarra recoñece a potestade das entidades locais para regular a utilización do éuscaro no seu ámbito competencial aínda que se trate de zona non vascófona.
Fonte: Noticias de Navarra
07 de agosto de 2013
O BNG está en desacordo con que "un ano máis" a publicación impresa en galego do programa de festas de María Pita se publicase unha vez iniciadas as festas.
Fonte: La Opinión
07 de agosto de 2013
A Consellería de Cultura, Educación e Ordenación Universitaria, representada polo secretario xeral de Política Lingüística, Valentín García, participou na inauguración da mostra itinerante dedicada á vida e obra de Manuel Rodríguez López, que tivo lugar no concello de Paradela, en Lugo.
Fonte: Xunta de Galicia
07 de agosto de 2013
A Consellería de Cultura, Educación e Ordenación Universitaria e mais a Asociación Roberto Vidal Bolaño levan a Ribeira a exposición que conmemora o autor homenaxeado polas Letras Galegas 2013.
Fonte: Xunta de Galicia
06 de agosto de 2013
Unha lei aprobada polo Congreso Nacional de Libia recoñece as linguas tamazight, tuareg e tubu como variedades lingüísticas e culturais da sociedade libia e estipula o seu ensino nos programas escolares do país.
Fonte: Maghreb Emergent
Boletín
Subscríbase ao boletín
