Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A presentación dunha demanda en galego é un dereito e non é un defecto de forma. É o que vén de resolver o Tribunal Superior de Xustiza de Galicia en resposta ao recurso presentado pola empresa In Side LOGISTICS contra unha demanda por despedimento, alegando “defecto de forma” por estar escrita en galego.
Fonte: Sermos Galiza
Google Play conta cunha nova aplicación chamada Sopas Galegas, que non é máis que un sinxelo xogo de sopas de letras para galegofalantes, con máis de 400 palabras seleccionadas do galego en dez categorías diferentes e sobre as que se pode picar para consultar o seu significado en Google, a Wikipedia ou o dicionario da Real Academia Galega.
Fonte: Código Cero
Un estudo realizado polo Gabinete de Prospección Sociolóxica do Goberno vasco reflicte que aínda que a aprendizaxe do éuscaro crece, o castelán segue a ser a lingua predominante. Segundo os datos recollidos, prodúcese un empate técnico entre quen sabe éuscaro e quen o descoñece absolutamente, un 37 % en ambos os casos.
Fonte: El Diario
O Goberno de Aragón autoriza a 11 novos centros a impartir un segundo idioma (francés na maioría dos casos) a partir de 5º o próximo curso. En total son 164 escolas.
Fonte: Heraldo
A tradución automática e o recoñecemento da linguaxe natural en xeral é un dos campos nos que a tecnoloxía ten máis potencial de crecemento nos próximos anos. Os tradutores actuais, aínda que útiles, resultan bastante limitados para moitos usos. Google pretende acabar con algunhas desas limitacións en Android incorporando un tradutor en tempo real capaz de permitir conversas entre dúas persoas que falan idiomas diferentes.
O director do Instituto de Linguas Nacionais do Ministerio de Cultura de Angola, José Domingos Pedro, defendeu a aprobación urxente do proxecto de lei sobre o estatuto das linguas nacionais de Angola, para promover a inclusión social e fortalecer a unidade na diversidade lingüística.
Fonte: ANGOP
Nestes días o Concello de Camariñas está a rematar a instalación da sinalética para lugares e aldeas do municipio. É importante o feito de que lugares afastados e pouco coñecidos sexan tamén sinalizados, servindo ao tempo de revalorización da toponimia local.
Fonte: Que Pasa na Costa
O presidente da Xunta e o da Real Academia Galega (RAG) mantiveron a primeira reunión formal tras a elección do novo responsable da RAG. Alberto Núñez Feijoo e Xesús Alonso Montero falaron dos proxectos da Academia para este ano e tamén do financiamento da institución.
Fonte: La Voz de Galicia
Os alumnos xordos matriculados nas autoescolas poderán recibir as clases en lingua de signos para aprender a conducir, tras o convenio que asinaron a Confederación Estatal de Persoas Xordas (CNSE) e a Confederación Nacional de Autoescolas (CNAE).
Fonte: Diariosur
Académicos de diversas institucións vinculadas ao idioma español avalaron un manifesto de apoio como lingua internacional e científica presentado con motivo do encontro «O español, lingua internacional e do coñecemento» que se desenvolve no marco dos Cursos de Verán da Universidade Internacional Menéndez Pelayo.
Fonte: ABC
Subscríbase ao boletín
