O Departamento de Cultura, a través da Dirección Xeral de Política Lingüística, dedica 60 000 euros a proxectos universitarios de fomento da lingua catalá, concretamente a proxectos de autoaprendizaxe da lingua catalá dirixidos ao profesorado, ao persoal da administración e o servizos e aos estudantes, no marco de Interlingua 2013, promovido pola Axencia de Xestión de Axudas e de Investigación.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de xullo de 2013
26 de xullo de 2013
O consello de administración de EITB aprobou as liñas xerais da programación para a próxima tempada, na que se potenciará a oferta en éuscaro, e a posta en marcha da canle ETBHD de alta definición a partir de outubro.
Fonte: El País
25 de xullo de 2013
A lingua bérber, nas súas diferentes variantes, é a segunda lingua máis falada de Francia. Hai entre 1,5 e 2 millóns de persoas que se comunican diariamente nesta lingua norteafricana. Este é o resultado dunha enquisa realizada polo Comité consultivo para a promoción das linguas rexionais e a pluralidade lingüística.
Fonte: Algerie-Focus
25 de xullo de 2013
Os ministros de Relacións Exteriores dos oito países que forman a CPLP (Comunidade de Países de Lingua Portuguesa) avaliarán en outubro, en Lisboa, as accións de promoción e difusión do idioma durante a segunda Conferencia Internacional sobre o Futuro da Lingua Portuguesa.
Fonte: Rádio Voz da Rússia
24 de xullo de 2013
O conselleiro de Xustiza da Generalitat de Cataluña, Germà Gordó, e o de Cultura, Ferran Mascarell, asinaron ata cinco acordos marco cos principais colexios profesionais do mundo do dereito para fomentar que o catalán sexa a lingua vehicular da Administración de Xustiza.
Fonte: El Mundo
24 de xullo de 2013
Coa implantación deste proxecto preténdese que os cidadáns que teñan algunha discapacidade auditiva poidan acceder á información proporcionada polo teléfono 010 de atención do Concello e as empresas municipais da mesma forma que o resto da poboación.
Fonte: Diario de Sevilla
24 de xullo de 2013
O Servizo de Normalización Lingüística do Concello de Zas está a difundir as actividades de dinamización lingüística que se desenvolverán, en colaboración coa Rede de Dinamización Lingüística, no marco da Semana Cultural do Concello de Zas, que terá lugar entre os días 28 de xullo e 4 de agosto de 2013.
Fonte: Consello da Cultura Galega
23 de xullo de 2013
As linguas indíxenas e a loita pola súa preservación están nunha situación de esquecemento por parte das autoridades, afirma o titular da Dirección de Culturas Populares da Secretaría de Cultura do estado de Jalisco, Ignacio Bonilla Arroyo, xa que o Estado non dispón de orzamento nin estratexias para garantir tal conservación.
Fonte: Informador
23 de xullo de 2013
Unha carreira popular entre as localidades galesas de Machynlleth e Cardigan recadará diñeiro para a promoción social da lingua galesa nesta zona do oeste de Gales.
Fonte: Cambrian News
23 de xullo de 2013
A Deputación foral de Biscaia aprobou conceder unha axuda de 355 000 euros a Euskaltzaindia, para apoiar e colaborar na promoción das actividades relacionadas co impulso e difusión do éuscaro.
Fonte: El Mundo
Boletín
Subscríbase ao boletín
