Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística da Consellería de Cultura, Educación e Ordenación Universitaria, Valentín García, presentou na Biblioteca Ánxel Casal de Santiago de Compostela o volume número XXVI dos Cadernos Ramón Piñeiro, unha homenaxe á autora dos “Cantares gallegos” no 150.º aniversario da súa publicación.
Fonte: Xunta de Galicia
Membros do partido gobernante da India criticaron a declaración do líder opositor do partido nacionalista, Rajnath Singh, sobre o uso en exceso da lingua inglesa que, segundo el, "está causando un importante dano na cultura e sociedade indias".
Fonte: International Business Times
A nova ministra de Patrimonio e Linguas Oficiais do Canadá, Shelly Glover, mantén que a asignación de xuíces bilingües en inglés e francés no Tribunal Supremo do Canadá non é esencial, aínda que si desexable.
Fonte: Radio-Canada
A lingua inuktitut considerouse desde hai tempo como unha das linguas autóctonas canadenses máis prósperas, mais un informe recente desvela que o seu futuro non é tan radiante.
Fonte: Le Huffington Post
As linguas rexionais continúan en situación de forte declive en Francia, afectadas pola "falta crecente da transmisión xeracional" e a mobilidade xeográfica. Un informe que esixe que se tomen medidas para parar esta situación foi presentado ao Ministerio francés de Cultura.
Fonte: La Depeche
Impulsada polo Instituto Cartográfico de Cataluña, recolle máis de 10 000 termos en catalán, con equivalentes en castelán e inglés, en catro volumes dedicados á cartografía xeral, a fotogrametría, os sistemas de información xeográfica e a teledetección, que estiveron revisadas polo TERMCAT e editados pola Enciclopedia Catalá e o mencionado Instituto.
O Instituto Vasco de Estatística, Eustat, precisou que se inclúe entre este grupo de poboación tanto os 790 000 euscaldúns que entenden e falan ben a lingua como os 542 000 “cuasi-euscaldúns”, que teñen un nivel de comprensión bo ou regular pero recoñecen ter dificultades para falar.
Fonte: Noticias de Álava
O secretario xeral de Política Lingüística representou a Consellería no acto de apertura deste curso no que se dan cita preto de corenta técnicos/as de normalización lingüística.
Fonte: Xunta de Galicia
Estas dúas actividades de FalaRedes levarán as xincanas lingüísticas e a poesía rosaliana cantada por Uxía ás localidades de Miño, A Pontenova, Ribas de Sil, Parada de Sil, O Barco de Valdeorras e A Veiga.
Fonte: Xunta de Galicia
O Parlamento catalán rexeitou dúas proposicións de lei que buscaban modificar a Lei de Educación de Cataluña (LEC) para que o castelán tamén sexa lingua vehicular nas escolas desta comunidade.
Fonte: Finanzas
Subscríbase ao boletín
