Priberam, empresa especialista no desenvolvemento de software e contidos dixitais para a lingua portuguesa, lanzou a última versión do FliP 9, conxunto de ferramentas lingüísticas de revisión e axuda para a escrita en portugués.
Fonte: Dinheiro Vivo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de xullo de 2013
30 de xullo de 2013
A importancia xeoestratéxica dos países que falan o portugués axudará o idioma a crecer no mundo, declarou o novo embaixador de Portugal na Misión Permanente das Nacións Unidas, Álvaro Mendonça e Moura. Ademais, lembrou nunha entrevista a Radio ONU, que o portugués está presente en todos os continentes, especialmente en África, que concentra cinco nacións de lingua portuguesa.
Fonte: Epoch Times
29 de xullo de 2013
A plataforma para iniciarse en inglés, español, portugués ou romanés, financiada pola UE, naceu en Galicia e recibe 300 000 visitas ao ano.
Fonte: Faro de Vigo
29 de xullo de 2013
Os membros do Proxecto Trasno anunciaron a tradución de novos programas abertos nacionais e internacionais ao galego: por unha banda a nova versión de Apache Apache OpenOffice e, pola outra, a máis recente entrega de Libreoffice.
Fonte: Código Cero
29 de xullo de 2013
O Concello de Palma esixirá o requisito do catalán só a un de cada cinco funcionarios municipais, aínda que se manterá o requisito de coñecer a lingua propia a todos os postos que teñan relación co cidadáns.
Fonte: Diario de Mallorca
29 de xullo de 2013
A alcaldesa de Logroño, Concepción Gamarra, ratificou un convenio de colaboración co presidente da Asociación de Persoas Xordas da Rioxa, Óscar Rodríguez, o que permitirá, cunha axuda municipal de 36 000 euros, dar continuidade ao servizo de intérpretes de lingua de signos.
Fonte: ABC
27 de xullo de 2013
O Goberno escocés financiou a publicación dun novo dicionario de lingua gaélica que terá como principal obxectivo a promoción desta lingua en Escocia.
Fonte: Herald Scotland
27 de xullo de 2013
Os oito países da Comunidade de Países de Lingua Portuguesa (CPLP) teñen preto de 244 millóns de habitantes e o Brasil é onde viven os falantes máis novos mentres que, Portugal, conta coa maior porcentaxe de falantes vellos, segundo as “Estatísticas da CPLP” de 2003 a 2010. De cada dez residentes no espazo lusófono, oito habitan no Brasil.
Fonte: Lusomonitor
26 de xullo de 2013
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, clausurou os cursos de verán de lingua e cultura galegas para persoas estranxeiras que se desenvolveron nas cidades da Coruña e de Santiago de Compostela.
Fonte: Xunta de Galicia
26 de xullo de 2013
A Deputación da Coruña deu instrucións a un funcionario para que non utilice o galego no seu traballo escrito no rexistro xeral desta institución.
Fonte: Cadena Ser
Boletín
Subscríbase ao boletín
