Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Bebés, cativos e as súas familias participaron neste espectáculo de entretemento e aprendizaxe, dunha hora de duración
Baixo unha carpa de 500 metros cadrados, músicos e actores deron vida a xogos, cancións, arrolos e outros divertimentos
Este programa de Política Lingüística pretende fomentar a transmisión do coñecemento da lingua galega no seo familiar
O programa radiofónico 'Filipinas ahora mismo' loita por manter vivo o español no país, coa emisión de cinco horas semanais de programación en castelán.
Fonte: El Mundo
Un acordo entre o Instituto Camões e a Universidade Jagiellonski fará posible a creación dunha cátedra en Cracovia, no sur de Polonia, para estimular o estudo do portugués.
Fonte: Último Segundo
A Universidade Pompeu Fabra (UPF) será o primeiro centro de educación superior en España que impartirá a partir do próximo curso a especialidade de lingua de signos, neste caso catalá, do Grao de Tradución e Interpretación. Deste xeito, por primeira vez, dentro do panorama universitario español, unha lingua de signos estará ao mesmo nivel doutros idiomas como o inglés, o francés e o alemán, segundo informou a UPF nun comunicado.
Fonte: La Vanguardia
As televisións privadas españolas deben dedicar parte dos seus ingresos a financiar películas europeas tal e como lles obriga a lei española, ao non impedilo a normativa comunitaria, e deben destinar unha parte ás producións nalgunha das linguas oficiais de España, indicou unha avogada xeral do Tribunal de Xustiza da Unión Europea (UE), Juliane Kokott.
Fonte: La Voz de Galicia
Subscríbase ao boletín
