O III Congreso Nacional de Tecnoloxías da Accesibilidade que se celebra en Madrid será accesible para as persoas xordas dado que contará con tradución simultánea á lingua de signos española e contará con subtítulos.

Fonte: Diario Signo

A Concellería de Educación e Cultura ten en marcha un programa de aprendizaxe da lingua e a cultura españolas para estranxeiros no que actualmente hai 27 grupos, cun total de 661 veciños procedentes doutros países que non falan español ou que o fan con dificultade.

Fonte: Gente Digital

O Concello de Parla (Madrid) volve ofrecerlles un servizo de tradución gratuíto de árabe, ruso, chinés, francés ou inglés aos veciños estranxeiros que o necesiten. Nesta ocasión, serán os alumnos en prácticas do máster de Comunicación Intercultural, Interpretación e Tradución na Universidade de Alcalá de Henares os encargados de realizar as conversións. O consistorio tamén inclúe o servizo de interpretación oral para entrevistas de traballo, reunións ou eventos.

Fonte: Aprende Más

A Fundación CNSE para a Supresión das Barreiras de Comunicación presenta en Madrid a primeira antoloxía de poesía española traducida á lingua de signos, con motivo das actividades programadas para a Noite dos Libros.

Fonte: Crónica Social

Como novidade deste ano, o servizo de idiomas da Universidade Autónoma de Madrid (UAM) inclúe na súa oferta lingüística formativa cursos de portugués de nivel A1 e A2.

Fonte: Aprende Más

O conselleiro de Cultura, Educación e Ordenación Universitaria, Xesús Vázquez Abad, inaugurou, en Madrid, o ciclo “Rosalía de Castro: Tradición e Modernidade”, co que se da un novo paso para achegar a figura e a obra da escritora galega a todo o público.

Fonte: Xunta de Galicia

A Comunidade de Madrid destinou 1,6 millóns de euros ao Plan de formación en lingua inglesa, que inclúe 1580 prazas, das que 422 son para realizar un curso en centros de Reino Unido, Estados Unidos e Canadá. O Plan, que este ano incrementou o seu orzamento case un 36 % con respecto ao ano anterior, conta coa colaboración de importantes institucións estranxeiras, como as universidades de Vancouver ou Boston, entre outras.

Fonte: Aprendemás

A Comunidade de Madrid destina este curso máis de 700 000 euros á atención a alumnos con discapacidade auditiva a través da contratación de asesores xordos/especialistas e intérpretes de lingua de signos española nas distintas etapas educativas.

Fonte: Europa Press

É a denuncia que fai Prolingua tras coñecer que a Secretaría Xeral de Política Lingüística comunicou que non é posible realizar os cursos de galego do Espazo das Linguas Ibéricas-Casa de Galicia en Madrid "por razóns organizativas e xurídicas”.

Fonte: Galicia Confidencial

O español foi reivindicado como lingua de transmisión do coñecemento científico, en concreto biomédico, durante a celebración do Foro Internacional do Español que tivo lugar en Madrid.

Fonte: El Economista