Euskadi encara unha década na que segundo o propio Consello Escolar haberá un déficit de centenares de docentes nas escolas. O Goberno vasco xa moveu ficha e facilitou as vías de acceso para obter os certificados oficiais de dominio do éuscaro.

Fonte: 20minutos

A Federació d'Associacions per la Llengua-Escola Valenciana (FEV), integrada na Plataforma per l'Ensenyament Públic, sentarase na mesa de negociacións cos responsables da Consellería de Educación para negociar un plan consensuado de ensino trilingüe.

Fonte: El País

O conselleiro de Educación, Alejandro Font de Mora, presentou "El món dels signes", un material multimedia que ten por obxecto fomentar a aprendizaxe do valenciano entre as persoas xordas, priorizando os contidos visuais, como imaxes, debuxos, iconas e vídeos signados.

Fonte: Panorama Actual

A Federació Escola Valenciana lamentou que a secretaria autonómica de Educación, Concha Gómez, "adiara a negociación do Plan pola escola plurilingüe e a retirada da orde de Educación para a Cidadanía a futuras reunións".

Fonte: Levante

O PSOE aragonés ten decidido presentar nas Cortes autonómicas unha proposición de Lei de linguas antes de marzo. Os socialistas están negociando desde hai semanas co grupo parlamentario do PAR un texto de consenso mínimo para evitar unha defensa en solitario do proxecto normativo, pero a proposición lexislativa presentarase igualmente ante a Mesa do Parlamento, aínda que eses contactos fracasen.

Fonte: Heraldo

Xa pasaron tres anos desde que a Mancomunidade e os concellos de Aia, Getaria, Orio, Zumaia e Zarautz puxeran en marcha o programa Lanera.
O obxectivo é a promoción do uso do éuscaro no ámbito laboral da comarca, planificando e desenvolvendo plans de éuscaro adecuados á realidade de cada empresa.
Ata a data un total de cinco empresas realizaron o diagnóstico e están implantando o seu plan: GKN Driveline Zumaia, Guascor, Erne Elektrizitatea, Elkor e Lagun Artea. Tres empresas máis realizaron o diagnóstico pero non continuaron adiante: Evai, Arin y Enbil e Korta.

Fonte: Diario Vasco

O Goberno foral aprobou as correspondencias en éuscaro das denominacións de 16 municipios e dous "concejos" navarros. Aínda que todos eles son municipios e "concejos" con denominación oficial única, a castelá, o Executivo aproba os nomes en vasco, para que así conste nos textos que nese idioma se refiran a estas localidades.

Fonte: Diario de Navarra

O Ministerio de Cultura e o Goberno balear asinaron un convenio de colaboración para recibir subvencións á produción, distribución e promoción da cinematografía que se realice nas illas e en lingua catalá.

Fonte: Europa Press

La puesta en marcha de manera unilateral en diciembre de 2007 de los grupos policiales de Seguridad Ciudadana sigue enfrentando a Interior con el principal sindicato de la Ertzaintza, Erne. El juez de lo Contencioso Administrativo número 3 de Bilbao ha avalado en una sentencia fechada el pasado 12 de diciembre los cambios de grupo para asegurar que haya al menos una mujer y un agente euskaldun en cada uno de ellos.

Fonte: El País

O conselleiro de Educación valenciano, Alejandro Font de Mora, destacou a importancia das accións para que os corpos e forzas de seguridade do Estado "entendan e coñezan" o valenciano, algo que permite "atender os cidadáns na lingua propia dos valencianos e oficial da Comunitat Valenciana" e facilitar así que a Administración estatal "non se perciba como unha Administración estraña, senón como propia".

Fonte: El Periòdic