TVE Internacional comeza a emitir desde o luns, 12 de xaneiro, o novo curso de español 'Hola, ¿qué tal?', un espazo de servizo público para potenciar a aprendizaxe do español no mundo. O curso, producido por RTVE e que consta de 207 programas, emitirase de luns a venres, ás 10.15 horas e tamén pode seguirse na web.

Fonte: Fórmulatv

O Departamento de Filoloxía da Universidade de Oviedo presentoulle recentemente unha proposta á directora da Escola de Maxisterio da Universidade, Gloria López Téllez, para que propoña a creación duns estudos regrados de asturiano, semellantes aos que, baixo a cualificación de minor, se aprobaron pola Xunta da Facultade de Filoloxía. A responsable do centro evitou pronunciarse ao respecto e asegurou que aínda non hai unha decisión sobre a solución definitiva que se dará.

Fonte: Europa Press

Un total de 41 centros estremeños participa no Proxecto Portfolio Europeo das Linguas (PEL), dentro do cal se realizan actividades para traballar as linguas. Nesta convocatoria establécese a necesidade de crear en cada centro, xa sexan colexios, institutos, escolas oficiais de idiomas ou centros de adultos, un grupo de traballo que desenvolve os programas comunicativos que forman a base do proxecto.

Fonte: Europa Press

Contemporizar, non votar a favor, pero tampouco en contra, amosar certo distanciamento coa tese dos seus socios do PSOE, pero ao mesmo tempo non entrar abertamente nunha ruptura, senón buscar a negociación para moderar o contido da futura lei e obter compromisos a cambio para outros proxectos considerados estratéxicos para Aragón. Esa é a liña na que tratará de afondar o PAR nas próximas semanas ante a proposición de lei de linguas que vai levar ás Cortes rexionais o PSOE de Marcelino Iglesias.

Fonte: ABC

A Asociación do Profesorado de Portugués en Estremadura (APPEX) espera con ilusión, aínda que con certo escepticismo, a implantación do portugués como segundo idioma estranxeiro na rexión.

Fonte: Hoy

A Junta de Castilla y León, a través da Consellería de Educación, inicia un curso para intentar que os profesores da comunidade adquiran as suficiente destrezas lingüísticas para xeneralizar o bilingüismo a todos os colexios no menor tempo posible.

Fonte: Diario de León

A senadora de CiU Rosa Nuria Aleixandre presentou unha moción en que insta ao Goberno a poder realizar os exames do Mir en catalán, éuscaro e galego nas respectivas comunidades autónomas para optar ás prazas de residentes nas diferentes especialidades en ciencias da saúde.

Fonte: EcoDiario

O síndico de Arán, Francès Boya, e o secretario de Política Lingüística da Generalitat de Catalunya, Bernat Joan, presentaron na sede do Conselh Generau o tradutor automático catalán-occitano-catalán e castelán-occitano-castelán, "un instrumento lingüístico gratuíto e adaptado ao servizo de todas as persoas", en palabras da responsable de Cultura e Política Lingüística da máxima institución, Maria Vergés.

Fonte: Avui

A xuíza Angela Murillo impediu a un independentista asturiano xulgado na Audiencia Nacional por estragos terroristas que se expresase en asturiano por non ser "unha lingua cooficial", e alegou que ela, nacida en Estremadura, "tamén podería facelo en castúo" (o dialecto desta rexión) pero entón non a "entenderían".

Fonte: Europa Press

O Goberno balear valorou "moi positivamente" que o presidente do Goberno, José Luis Rodríguez Zapatero, defenda que o novo sistema de financiamento incorpore unha contribución adicional para as comunidades autónomas con dobre lingua oficial, como é o caso de Baleares, Cataluña, Galicia ou Euskadi.

Fonte: Europa Press