O conselleiro de Cultura, Lingua e Xuventude, José López Campos, salientou as propostas que está levando a cabo a Xunta para implicar as xeracións máis novas “nun maior emprego e prestixio do galego”. Fíxoo durante a celebración do III Encontro 21 días co galego e +, actividade lúdica na que estaban convidados preto de 4000 rapaces, mestres e persoal administrativo e de servizos da decena de centros educativos de toda Galicia. Todos eles participaron este ano na sétima edición deste programa de dinamización lingüística, impulsado polo Goberno autonómico.
Fonte: O Portal da Lingua Galega
Sección:
