A Federación de Rusia autorizou a introdución de clases optativas de ucraíno nas escolas de Sebastopol, capital e cidade máis poboada da anexionada Crimea.
Fonte: RT
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de setembro de 2019
O Goberno vasco asinou un protocolo coa Fundación Europeana para posibilitar a tradución ao éuscaro da súa interface de consultas, que até o momento permitía a procura en 27 linguas das obras dixitalizadas de institucións culturais dos países da Unión Europea.
Fonte: La Vanguardia
18 de setembro de 2019
A Xunta pola Defensa da Lingua Asturiana denuncia que durante o Día de Asturias non se emitiron contidos nesta lingua na televisión pública e aproveita para reivindicar a creación dunha programación que non discrimine os contidos en asturiano.
Fonte: Asturies.com
18 de setembro de 2019
O secretario xeral de Política Lingüística, Valentín García, e a delegada da Xunta en Ourense, Marisol Díaz Mouteira, participaron na presentación do volume Mosteiro de Montederramo. Colección documental e índices, da autoría do profesor Ramón Lorenzo. O libro é froito de décadas de traballo do investigador e filólogo, así como da colaboración da Xunta de Galicia e o Consello da Cultura Galega (CCG), unidos para dar ao prelo este traballo esencial para o coñecemento do galego medieval.
18 de setembro de 2019
A Xunta de Galicia, a través da Secretaría Xeral de Política Lingüística, o Parlamento de Galicia e o Foro Enrique Peinador convocan conxuntamente a XXVI edición dos Premios de Publicidade en Galego.
Fonte: O Portal da Lingua Galega
17 de setembro de 2019
A Mancomunidade de Concellos de Ordes oferta formación para preparar as probas Celga (niveis 2 e 4). Trátase de sesións de 20 horas de duración que comezarán a impartirse o 8 de outubro e que finalizarán o 7 de novembro.
Fonte: Consello da Cultura Galega
17 de setembro de 2019
A Universidade de Santiago de Compostela presenta a cuarta edición de “DivulgaTerra. Petiscos de divulgación científica”, un proxecto co que se pretende darlle visibilidade ao traballo desenvolvido no Campus Terra e impulsar o emprego do galego como ferramenta para a comunicación científica.
Fonte: Consello da Cultura Galega
17 de setembro de 2019
Unha nova biblioteca de libros escritos en gaélico irlandés abriu na zona leste de Belfast, en Irlanda do Norte, co fin de facer fronte á crecente demanda de público interesado en aprender esta lingua.
Fonte: BBC
17 de setembro de 2019
Un estudo realizado polo sitio web de contratación Indeed revelou que o coñecemento dunha lingua estranxeira segue estando de moda nas ofertas de emprego que se publican no Reino Unido.
Fonte: The Economist
17 de setembro de 2019
O Consello Insular de Menorca repartirá 40 000 euros en axudas para a promoción do uso do catalán nos ámbitos empresarial, asociativo, deportivo e editorial.
Fonte: Setmanari Soller
Boletín
Subscríbase ao boletín
