Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Esta aplicación, dirixida especialmente a persoas xordas ou con deficiencias auditivas, recoñece voz e sons en tempo real e de xeito automático e transcríbeos a texto. En total recoñece setenta linguas, entre as que se atopa o catalán.
Fonte: Generalitat de Catalunya
Concretamente, podería supor a creación de máis de 10 000 postos de traballo e ao redor do 2 % do PIB asturiano. Son estimacións baseadas nos resultados obtidos na Comunidade Valenciana, no País Vasco e en Galicia sobre o estudo do impacto das súas linguas na economía. Os datos revelan que en todas elas, como mínimo, o 2 % do PIB (4 % no caso vasco), entre 30 e 50 mil postos de traballo e máis de mil millóns de euros dependen deste impacto.
Víctor Freixanes, presidente da Real Academia Galega, laiouse, no marco dun seminario internacional celebrado na Universidade Federal Fluminense, da pouca implantación do portugués nos centros educativos galegos e reclamou maior presenza desta lingua nas escolas de Galicia.
Fonte: Galicia Confidencial
Os ministros de Educación da Unión Europea aprobaron unhas recomendacións no ámbito educativo que axudarán o alumnado de secundaria a aprender dúas linguas estranxeiras máis antes da chegada á universidade.
Fonte: El Periódico
A Feira Internacional do Libro de Asunción, Paraguai, rende homenaxe ás linguas nativas con multitude de actividades con motivo do Ano Internacional das Linguas Indíxenas.
Fonte: Ñandutí
Novas entradas, como "bitcoin" ou "nano", novas acepcións como as de "falcó" e "falconer" ou modificacións de significados, como o de "bell sexe", onde agora se indica que é discriminatorio, son os cambios que recolle a nova edición do dicionario catalán. En total, engadíronse 14 novas palabras e realizáronse case 200 modificacións.
Fonte: La Vanguardia
A Concellería de Normalización Lingüística do Concello de Nules abriu a convocatoria de axudas para a promoción do valenciano por parte de empresas, comercios e industrias. Segundo a convocatoria, subvencionarase, cun máximo de cincocentos euros, ata un 75 % do orzamento solicitado para a rotulación exterior e interior de locais, rotulación de vehículos, impresos publicitarios e comerciais, etiquetas, carteis etc.
Fonte: El Periodic
O certame Youtubeir@s, destinado a encher YouTube de vídeos en galego, ten este mes de xuño dúas grandes citas. Unha delas será o 8 de xuño na Coruña co obxectivo de xerar un espazo para reflexionar sobre o panorama creativo nesta plataforma dende varios ámbitos.
Fonte: Código Cero
O secretario xeral de Política Lingüística, Valentín García, abriu na cidade brasileira de Niterói o I Seminario Internacional de Estudos Lingüísticos. Galego e portugués: o pasado presente, que reúne expertos en lingua galega e portuguesa de ambas as beiras do Atlántico ata o vindeiro día 8 de xuño.
A 6.ª edición da Olimpíada da Lingua Portuguesa recibiu máis de 170 mil inscricións de todos os estados do Brasil nun total de cinco categorías de xéneros textuais.
Fonte: O Semanário
Subscríbase ao boletín
