Varios membros da Mesa pola Normalización Lingüística protestaron no centro comercial de Ikea na Coruña polo seu menosprezo cara ao galego, pois o catálogo nesta lingua só se atopa en atención ao cliente e devolucións.
Fonte: Sermos Galiza
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de setembro de 2019
Os 90 000 euros desta partida foron finalmente repartidos entre 22 proxectos para a normalización do éuscaro presentados por 14 entidades distintas. Cada un recibiu entre 430 e 16 000 euros de axuda.
Fonte: Pamplona Actual
23 de setembro de 2019
Segundo os datos dunha enquisa realizada polo Concello de Valencia, apenas o 1,3 % da poboación emprega o valenciano como idioma habitual mentres que case oito de cada dez persoas usan o castelán. Así mesmo, a arredor do 18 % élle indiferente utilizar unha ou outra lingua.
Fonte: Levante
23 de setembro de 2019
O presidente do Instituto Camões, Luís Faro Ramos, defendeu, con motivo da presentación da rede de ensino do portugués no estranxeiro, a necesidade de que os países observadores da CPLP adopten o portugués como lingua opcional nas escolas.
Fonte: País ao Minuto
23 de setembro de 2019
O Centro Ramón Piñeiro para a Investigación en Humanidades (CRPIH) rendeulle homenaxe ao profesor, crítico literario e investigador Luís Alonso Girgado, con motivo da súa xubilación.
Fonte: O Portal da Lingua Galega
20 de setembro de 2019
O Goberno vasco, xunto a EiTB e TOKIKOM, desenvolveu Euskal Private Market Place, un produto dirixido ás axencias de anuncios que queiran empregar o éuscaro nas súas publicacións, o que abre un novo mercado para os espazos de publicidade programática.
Fonte: Noticias press
20 de setembro de 2019
A Confederación Estatal de Persoas Xordas realizou esta petición, que suporía a reforma do artigo 3 da Constitución Española. Ademais, reclaman a redacción dunha estratexia para o ensino, o uso e a promoción destas linguas, e que sexan recoñecidas pola Carta Europea de Linguas Minoritarias e que se inclúan en futuras lexislacións sobre igualdade e non discriminación lingüística.
Fonte: Servimedia
20 de setembro de 2019
A proximidade nas relacións entre Siria e a Federación Rusa leva a que cada vez máis cidadáns sirios aprendan a lingua rusa tanto en universidades como en centros privados.
Fonte: Al-Monitor
20 de setembro de 2019
O Instituto Portugués de Oriente, con sede en Macau, abrirá unha nova delegación en Pequín e un centro de lingua portuguesa na cidade de Chengdu.
Fonte: País ao Minuto
20 de setembro de 2019
A Asociación Socio-Pedagóxica Galega organiza o XVIII Concurso de Relato Oral “Tíralle da Lingua”, un certame dirixido á comunidade educativa que ten como obxectivo normalizar o uso oral do galego para que se converta en instrumento normal de comunicación e creación de historias.
Fonte: Consello da Cultura Galega
Boletín
Subscríbase ao boletín
