Por medio dunha carta con 100 asinantes, a asociación "Langue française" pediulle ao presidente francés Emmanuel Macron maior protección para a lingua francesa fronte ás influencias e imposición da lingua inglesa.
Fonte: Le Parisien
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de xuño de 2019
17 de xuño de 2019
Iniciativa pol Asturianu, a ONG organizadora, vén de facer pública a nova sobre a celebración deste campamento. Dirixido cara á mocidade de entre 6 e 16 anos, este campamento contará cun equipo de monitores e monitoras falantes de asturiano que realizarán todas as actividades nesta lingua.
Fonte: El Búscolu
17 de xuño de 2019
Este novo dicionario materializarase nunha web na que se recollerán máis de 3500 signos. Aínda que non se coñecen datas para este proxecto, si se sabe que todas as acepcións do dicionario serán presentadas en formato vídeo e foto.
Fonte: RTVE
14 de xuño de 2019
O Ministerio de Educación de Libia está iniciando a formación de profesorado para poder incorporar o ensino do francés no primeiro ciclo da educación secundaria.
Fonte: The Lybia Observer
14 de xuño de 2019
A Universidade do Porto lanzou o Portal do Português, un sitio web para a promoción e fomento da lingua portuguesa.
Fonte: O Minho
14 de xuño de 2019
Trátase dunha campaña de sensibilización que busca invitar a iniciar unha conversación en valenciano mediante esta sinxela mensaxe. Empregaranse diferentes materiais para difundir esta campaña co obxectivo de dinamizar o uso da lingua en todos os ámbitos posibles.
Fonte: El Económico
14 de xuño de 2019
Trátase do único manuscrito coñecido da obra Gramàtica Catalana do xurista Pau Cardellach. O Departamento de Filoloxía e Comunicación da Universidade adquiriuno entre 2004 e 2005 e inclúeo agora no repositorio dixital da biblioteca. O Instituto de Estudos Cataláns prevé tamén publicar unha edición comentada da obra.
Fonte: Catalunya Press
14 de xuño de 2019
A mocidade de entre 14 e 17 anos é a destinataria do programa #SenCancelas, unha iniciativa posta en marcha polo Concello de Santiago de Compostela co obxectivo crear espazos de socialización en galego.
Fonte: Consello da Cultura Galega
14 de xuño de 2019
A Mesa pola Normalización Lingüística entregaralles a Guía para o uso do galego na Administración local (2019-2023) aos máis de 3700 concelleiros e concelleiras que entran a formar parte das novas corporacións municipais. O obxectivo desta iniciativa é promover a normalización lingüística na Administración local a través dunha serie de medidas que poidan impulsarse desde as diferentes áreas dun goberno municipal.
14 de xuño de 2019
O proxecto que pretende construír 56 novas vivendas na localidade de Crymych, no oeste de Gales, podería atraer persoas anglófonas e pór en risco o uso do galés na comunidade local. Crymych ten unha das porcentaxes máis altas de uso de galés en todo o condado de Pembrokeshire.
Fonte: BBC
Boletín
Subscríbase ao boletín
