A serie de televisión Fin ar Bed, que significa "fin do mundo", será emitida integramente en lingua bretoa na canle pública de televisión France 3.
Fonte: Actu
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de setembro de 2017
O vector desa expansión está na cidade chinesa de Macau e é froito dunha estratexia de difusión do portugués na China, onde o número de universidades que ensinan esta lingua se cuadriplicou, ao pasar de 6 a 23.
Fonte: BBC
31 de agosto de 2017
A oferta do Concello de Vitoria para o curso 2017-2018 é de 101 grupos de distintos niveis que están dirixidos a diferentes colectivos: pais e nais, maiores de 55 anos, persoal do comercio e a hostalería e persoas estranxeiras.
Fonte: Gasteiz Hoy
31 de agosto de 2017
Un estudo realizado por investigadores da Universidade de Strathclyde revela que o uso do gaélico escocés por parte dos pais e nais podería ser clave para garantir o futuro desta lingua.
Fonte: BBC
31 de agosto de 2017
O Banco de Irlanda decidiu eliminar algunhas operacións en gaélico irlandés dos seus caixeiros automáticos despois de constatar o baixo uso que tiñan entre os usuarios.
Fonte: RTÉ
31 de agosto de 2017
Bingen Zupiria, o conselleiro de Cultura e Política Lingüística, participou na presentación do Cine Vasco da 65 edición de Zinemaldia, que permitirá a proxección de catorce películas vascas en oito seccións. Ademais, sete producións buscarán conseguir o premio Irizar Euskal Zine Saria.
Fonte: NoticiasPress.es
30 de agosto de 2017
O Goberno de Camerún aprobou unha norma que lles prohibe aos cidadáns sintonizar unha canle de televisión en lingua inglesa que representa os intereses da minoría anglófona do país.
Fonte: BBC
30 de agosto de 2017
Un grupo de investigadores da Universidade de Chicago publicaron un dicionario da lingua utilizada na Mesopotamia hai máis de 2000 anos, o idioma acadio. Os 21 volumes da obra poden ser consultados en formato dixital.
Fonte: Sábado
30 de agosto de 2017
LGx15 é unha iniciativa, posta en marcha pola Coordinadora de Traballadores/as de Normalización da Lingua, que busca ideas para influír no futuro do galego. O vindeiro 9 de novembro celebrarase unha nova edición, para a cal as persoas interesadas xa poden presentar a súa autocandidatura.
Fonte: Consello da Cultura Galega
30 de agosto de 2017
O Goberno de Cataluña acordou as conmemoracións oficiais do ano 2018, onde salienta o festexo do 150 aniversario do nacemento de Pompeu Fabra e dos 100 anos da publicación da Gramática catalá normativa. Deste xeito, durante o ano levaranse a cabo varias actividades para recoñecer o labor do gramático.
Fonte: Generalitat de Catalunya
Boletín
Subscríbase ao boletín
